Янгиликлар
18
Temir dápterge kiritilgenler ushın jeńillikler
Sońǵı jıllarda mámleketimizde xalıqtıń, sonıń ishinde, hayal-qızlar hám jaslardıń sociallıq jaqtan qorǵawǵa mútáj, turmıs sharayatı awır, jumıssız hám kásip-ónerge iye bolmaǵan, huqıqıy hám ruwxıy-psixologiyalıq qollap-quwatlawǵa zárúrligi bolǵan puqaralarǵa mámleket tárepinen mánzilli kómeklesiw boyınsha basqasha jańadan sistema eńgizildi.
«Temir dápter» bul sociallıq jaǵdayı hám turmıs sharayatı awır hámde sektor basshıları tárepinen ayrıqsha qadaǵalawǵa alınǵan shańaraqlardı dizimge alıw, mashqalaların anıqlaw, saplastırıw hám qadaǵalawdı alıp barıw boyınsha maǵlıwmatlar bazası bolıp esaplanadı.
Ózbekstan Respublikası Prezidentinıń «Jaslardı hár tárepleme qollap-quwatlaw hám olardıń sociallıq iskerligin elede asırıwǵa baylanıslı qosımsha is-ilajlar haqqında»ǵı 2021-jıl 13-iyul kúngi PP-6260-sanlı Pármanı hám Ózbekstan Respublikası Ministrler Kabinetiniń 2021-jıl 28-apreldegi 250-sanlı qararına tiykar 2021-jıl avgust ayında «Temir dápter»ge kirgizilgen shańaraqlardıń 18 jasqa deyin bolǵan hár bir perzenti ushın mámleket byudjeti qarjları esabınan 500 mıń sum muǵdarında bir mártelik materiallıq járdem kórsetiw belgilengenligi, bunda mámleketimizde xalıqtı hár tárepleme qollap-quwatlaw, ásirese, materiyallıq járdemge hám kómekke mútáj shańaraqlardıń perzentlerın kiyim-kiyinshekler, mektep forması hám oqıw quralları menen támiyinlew máselesi búgingi kúnniń eń baslı wazıypalarınan biri esaplanadı.
Sonıń menen birge usı Párman tiykarında mámleketlik joqarı oqıw orınlarında bilim alıp atırǵan «Temir dápter»ge kirgizilgen shańaraqlardıń perzentlerine 2021/2022 oqıw jılında birinshi oqıw jılı ushın tólemli kontrakttıń tolıq summası mámleket byudjeti qárejetleri esabınan qaplap beriliw kórsetilgen bolıp bunda mámleketimizde jańa Ózbekstandı qurıw, ullı maqsetke erisiw jolında tiykarǵı súyenishimiz bolǵan jaslarǵa itibar hám ǵamxorlıq kórsetiw, olarǵa barlıq tarawlarda óz qabiletin tolıq kórsetiwi ushın sharayat hám múmkinshilikler jaratıp beriw mámleket siyasatınıń baslı baǵdarı bolıp esaplanadı.
Usı pármanda «Temir dápter»ge kirgizilgen shańaraqlarǵa jáne bir jeńilliklerdıń biri bul 1-sentyabrden baslap ayrım shaxslarǵa 33 million sumǵa shekem girewsiz kreditler ajıratıw yаǵnıy joqarıda kóresetilgen Párman tiykarında «Temir dápter» hám «Hayallar dápteri»ne kirgizilgen shańaraq perzentleri hámde «Jaslar dápteri»ne kirgen jaslarǵa jańa shańaraq qurıp atırǵanında óz shańaraǵında qosımsha uy-jay qurıwı ushın 33 million sumǵa shekem girewsiz kredit ajratıw názerde tutılǵan.
Ózbekstan Respublikası Prezidentiniń 2021-jıl 23-noyabr kúngi PQ-20-sanlı qararı tiykarında puqaralarǵa 1 gektarǵa shekem jerlerdi 10 jılǵa shekem dıyxan xojalıǵın júrgiziw ushın jer uchastkaların ashıq elektron tańlaw arqalı ijaraǵa beriwde óz jer uchastkasında mıywe hám palız ónimlerin jetistiriw, júzimgershilikte jaqsı nátiyjelerge erisken, usı tarawlardıń birinde turaqlı qánigelikke iye bolǵan puqaralarǵa qaraǵanda ásirese «Temir dápter»de dizimde turǵan mútajligi bar shańaraqlar ayrıqsha ústinlikke iye boladı.
Ózbekstan Respublikası Prezidentiniń 2022-jıl 1-marttaǵı PQ-149-sanlı qararında miynet migraciyasina shıǵıp ketken «Temir dápter»ge kiritilgen shańaraq aǵzalarına dári-dármaq, mayıplıq arbashalar, esitiw apparatları hám ortopedik ónimler satıp alıw ushın bazalıq esaplaw muǵdarınıń 5 ese muǵdarında bir mártelik materiallıq járdem kórsetiw, máhellelerdegi jaslar jetekshileriniń jazba usınısına tiykar «Temir dápter»ge kiritilgen puqaralardıń balalarına máwsimli iskerlik júrgizetuǵın dem alıw ornılarına biypul jollanbalar beriw haqqında baslamasın qollap quwatlaw, 2022-jıl 1-marttan baslap «Temir dápter»ge kiritilgen puqaralarǵa miynet migraciyasi jolı menen waqtınsha miynet iskerligin ámelge asırıw ushın shet elge ketip baratırǵan puqaralarǵa mikroqarızlar beriw tártibi eńgizilgen, bunda shet elde jumısqa ornalasıw sonıń menen birge jol haqısın tólew, miynet iskerligi ushın ruxsat alıwǵa baylanıslı qárejetlerdi qaplaw ushın 10 million sumǵa shekem bir jıl múddetke mikroqarızlar beriliwi belgilengen.
Mámleket kóleminde kem támiyinlengenlikti qısqartıw boyınsha mútajligi bar shańaraqlardı qollap-quwatlaw boyınsha máhellelerde jańasha sisteması eńgiziw, hár bir máhálle, awıl, qalasha hám awıl puqaralar jıyınındaǵı mútajligi bar shańaraqlardı kámbaǵallıqtan shıǵarıw maqsetinde shańaraqlar menen mánzilli hám maqsetli jumıslar alıp barılmaqta.
Taxtakópir rayonı Yuridikalıq xızmet
kórsetiw orayı bas yuriskonsulti D.A.Shaxanov