Янгиликлар
17
Nızamshılıqtaǵı_jańalıqlar
“Puqaralardıń huqıq hám erkinliklerin támiyinlew hámde huqıqıy xızmet kórsetiwde ádillik uyımları hám mákemeleri jumısları nátiyjeliligin jáne de asırıw ilajları haqqında”ǵı Prezident Pármanı qabıllandı. Pármanǵa kóre, ádillik sistemasında birden-bir basqarıwdı eńgiziw ushın Mámleketlik xızmetler agentligi hám Intellektual múlk agentligi tikkeley Ádillik ministrligine, olardıń aymaqlıq strukturaları bolsa aymaqlıq ádillik uyımlarına qosıldı.
● Nátiyjede basqarıw xızmetkerleri sanı 110 ǵa, yaǵnıy 2,2 procentke (bir ǵana oraylıq apparat 10 procentke yaǵnıy 356 dan 320 ǵa) qısqartırıldı.
● Ministrlik sistemasındaǵı bir-birin qaytalaytuǵın wazıypalar 35 ten 23 ke (34 procentke) hám funkciyalar bolsa 388 ten 215 ke (46 procentke) qısqardı.
Aymaqlardaǵı Mámleketlik xızmetler basqarmaları hámde Intellektual múlk orayları aymaqlıq ádillik basqarmaları quramına ótkerildi.Rayondaǵı mámleketlik xızmetler orayları, PHAJ uyımları hám yuridikalıq xızmet kórsetiw orayları rayon ádillik bólimleri menen birlestirilip, bir imaratta jumıs islewshi birden-bir Ádillik bólimlerine aylandırıladı, onıń quramında intellektual múlk obektlerin qorǵaw boyınsha bólek juwapkerler iskerlik júrgizedi.
Párman menen Ádillik ministrligi iskerligi natiyjeliligin jánede asırıw hámde sanlastırıw boyınsha ilajlar baǵdarlaması tastıyıqlandı.Baǵdarlama sheńberinde bir-birine baylanıslı bolǵan mámleketlik xızmetler, atap aytqanda kóshpes múlk hámde mánzilge dizimge qoyıw, mayıplıq hám hár túrli keselliklerge baylanıslı napaqalar belgilewdi kompozit tárizde, yaǵnıy bir waqıtta kórsetiw sisteması engiziledi.
Sonıń menen birge, 1990-2016-jıllar aralıǵında qabıl etilgen Húkimet qararları xatlawdan ótkerilip, puqaralarǵa hám isbilermenlerge jeńillik jaratıw kóz qarasınan qayta kórip shıǵıladı.Pármanǵa kóre, “e-shártnama” sisteması birden-bir elektron portalı jaratıladı. Sistema arqalı isbilermenler onlayn túrde túrli shártnama úlgilerin biypul alıwı múmkin boladı.Xalıq deputatları keńesleriniń aymaqlardaǵı reformalar ústinen qadaǵalawın kúsheytiw maqsetinde deputatlıq qadaǵalawınıń jańa forması - “keńes sorawı” engiziledi.
2023-jıldan avtorlıq huqıqı obektleriniń elektron qadaǵalaw nusqaların Birden-bir bazada jıynaw tártibi engiziledi.