Янгиликлар
17
Bilesiz be?
1.Subsidiya kimlerge beriledi?
Subsidiya alıw maqsetinde arza menen 18 jasqa tolǵan puqaralar múrájat etiwi múmkin.Subsidiya dáramatı joqarı bolmaǵan hám úy-jay sharayatın jaqsılawǵa mútáj shańaraqlarǵa sociallıq kriteryalar tiykarında beriledi.
Dáramatı joqarı bolmaǵan shańaraq dep tómendegiler tán alınadı:
● Awıllarda miynetke haqı tólewdiń eń kem muǵdarınıń 3 esesinen (2 mln 466 mıń sum) 6,9 esesine shekem (5 mln 671 mıń 800 sumǵa shekem);
● Qaraqalpaqstan Respublikası hám wálayatlar qalalarında belgilengen BEMnıń 3 esesinen (2 mln 466 mıń sum) 8 esesine shekem (6 mln 576 mıń sumǵa shekem);
● Tashkent qalasında belgilengen BEMnıń 3 esesinen (2 mln 466 mıń sum) 9,2 esesine shekem (7 mln 562 mıń sumǵa shekem) bolǵan shańaraqlar
2.Ipoteka kreditiniń eń kóp muǵdarı qansha?
2022-jıl ushın bir qarız alıwshıǵa ajıratılatuǵın ipoteka kreditiniń eń kóp muǵdarı
➖ Qaraqalpaqstan Respublikası hám wálayatlarda– 327 mln 250 mıń sum;
➖ Tashkent qalasında – 416 mln 500 mıń sum.
3.Ipoteka kreditiniń payız stavkası qansha hám onıń qansha muǵdarı qaplap beriledi?
Ipoteka kreditleri bazar shártleri tiykarında belgilenetuǵın payız stavkalarında ajıratıladı.Subsidiyalar:
➖ kvartira jaylasıwı, kólemi hám maydanına qaramastan, dáslepki tóleminiń bir bólegin qaplaw ushın– 32 million sum;
➖ kredit boyınsha payızdıń bir bólegin qaplaw ushın– birinshi 5 jılda 10 payızdan asqan bólegi tólenedi.
4.Subsidiya alıw ushın qaerge múrájat etiw kerek?
Subsidiya alıw ushın qálegen rayon (qala) Mámleketlik xızmetler orayı yamasa Birden-bir interaktiv mámleketlik xızmetleri portalında (my.gov.uz) dizimnen ótiw kerek.
5.Qanday hújjetler talap etiledi?
➖ fizikalıq shaxstıń jeke identifikaciya nomeri maǵlıwmatları;
➖ shańaraq aǵzalarınıń jeke identifikaciya nomeri maǵlıwmatları hám neke gúwalıǵı, perzentler tuwılǵanlıǵı haqqındaǵı gúwalıqlar nusqaları (ámelde bolǵanda);
➖ neke biykar etilgenligine tiyisli hújjetler yamasa shańaraq jaǵdayı haqqında PРAJ uyımları arxivinen málimleme;
➖ turaqlı dizimge alınǵan jerinen kadastr nomeri hám túrine tiyisli maǵlıwmatlar;
➖ turaqlı jasaw jerinen úy dáptershesiniń yamasa kvartiralar boyınsha kartochkanıń (17-forma) nusqası;
➖ arza beriwshi hám birgelikte qarız alıwshılardıń dáramatı hám uslap qalınǵan dáramat salıqları haqqındaǵı maǵlıwmatlar.