Янгиликлар
17
Nızamshılıqtaǵı janalıqlar.
Mámleketimizde eńgizilip atırǵan qawipsiz, tártipli hám nızamlı miynet migraсiyasi sisteması sheńberinde shet elge shıǵıp ketip atırǵan puqaralardı kásip-óner hám shet tillerine oqıtıw, shet elde huqıq hám máplerin qorǵaw, zárúr social hám informacion-maslahat járdemin kórsetiw, olardıń shańaraq aǵzaların hár tárepleme qollap-quwatlaw boyınsha izbe-iz jumıslar ámelge asırılıp atır.Shet elde waqtınshalıq miynet iskerligin ámelge asırıp atırǵan Ózbekstan Respublikası puqaralarina huqıqıy qorǵalıwın jánede kúsheytiw hámde olardıń shańaraq aǵzaların social-ekonomikalıq qollap-quwatlaw sistemasın keńeytiw maqsetinde:
2022-jıl 1-iyunnan baslap Rossiya Federaсiyasi, Turkiya Respublikası hám Kazaxstan Respublikasınıń aymaqlarında Bántlik hám miynet munasábetleri ministrligi janındaǵı Sırtqı miynet migraсiyasi agentliginiń wákillik institutı ashılıwı belgilengen, hár bir aymaqqa keminde eki dana wákil biriktiriledi;
Wákiller Rossiya Federaciyasida — Bántlik hám miynet munasábetleri ministrligi janındaǵı Sırtqı miynet migraciyasi agentliginiń Moskva qalasındaǵı wákilxanası xızmetkerleri retinde, Turkiya Respublikası hám Kazaxstan Respublikasında — bul mámleketlerdegi Ózbekstan Respublikasınıń diplomatik wákilxanaları hám konsullik mákemeleriniń basqarıw-texnikalıq xızmetkerleri retinde akkreditaciyadan ótkeriledi;
Wákillerdiń bir danası ústin turatuǵın túrde shet el mámleketlerde islew tájiriybesine iye bolǵan, joqarı maman qánigeler arasınan tańlap alınadı hám Ózbekstan Respublikasınan jiberiledi, ekinshisi bolsa shet el mámlekette jasawshı abıray-itibarlı, keń dúńyaǵa kóz qarasqa iye watanlaslar yamasa zárúr ilmiy tájriybe hám tájiriybege iye bolǵan basqa shaxslar arasınan tańlap alinadı.
Ózbekstan Respublikasında saylanǵan wákiller Rossiya Federaciyasi, Turkiya Respublikası hám Kazaxstan Respublikasına uzaq múddetli xızmet saparına jiberiledi;
Shet el mámleketlerde wákiller iskerligin muwapıqlastırıw Ózbekstan Respublikasınıń diplomatik wákilxanaları hám konsullik mákemeleri basshıları tárepinen ámelge asıriladı;
wákil lawazımı Sırtqı miynet migraciyasi agentliginiń xızmetkerleri sanın kóbeytiw esabına engiziledi;
Bántlik hám miynet munasábetleri ministrligine Sırtqı isler ministrligi menen kelgenler halda wákillerdi olardıń usı qarar menen sheklengen shtatları sanı sheńberinde basqa aymaqlarǵa biriktiriw yamasa sanın kemeytiw huqıqı beriledi.
Tómendegiler wákildiń tiykarǵı iskerlik baǵdarları etip belgilendi.
1.Ózbekstanda ámelge asırılıp atırǵan sociallıq-ekonomikalıq reformalar, puqaralar ushın jaratılıp atırǵan jeńillik hám múmkinshilikler haqqında shet elde bolıp turǵan Ózbekstan Respublikası puqaraları ortasında keń qamtılǵan úgit-násiyatlaw -túsindiriw jumısların aparıw;
2.Ózbekstan Respublikası puqaraların shet elde keń kólemde jumısqa jaylastırıw kólemin keńeytiw, nızamǵa qarsı miynet migraciyasinıń aldın alıw, jumıs berıwshıler menen ózara kelisiwler aparıw;
3.Shet elde bolıp turǵan dáwirinde zorlıqshılıq, májburiy miynet hám kewilge tiyiwge dús bolǵan, jara alǵan, baxtsız hádiysege dus kelgen, salmaqli kesellikke shalınǵan, quramalı finanslıq jaǵdayǵa túsip qalǵan, shaxstın tastıyıqlaytuǵın hújjetlersiz yamasa aqshasız qalǵan Ózbekstan Respublikası puqaralarına járdem kórsetiw;
4.Shet elde waqtınshalıq miynet iskerligin ámelge asırıp atırǵan Ózbekstan Respublikası puqaralarına Ózbekstan Respublikasınıń diplomatik wákilxanaları, konsullik mákemeleri, miynet shólkemleri hám migraciya orayları tárepinen kórsetiletuǵın xızmetler haqqında informaciya hám máslahátlar beriw, bul xızmetlerden paydalanıwda olarǵa kómeklesiw.
Wákiller iskerligin materiallıq hám finanslıq qollap-quwatlaw, sonday-aq olarǵa mıynet haqı tólew, xızmet saparı hám shet el mámleketdegi jasaw qárejetlerin qaplap beriw hám de olardı transport, xızmet ımaratları, baylanıs quralları hám basqa zárúr úskeneler menen támiyinlew:
2022-jılda Bántlik hám miynet munasábetleri ministrligi janındaǵı Shet elde miynet iskerligin ámelge asırıp atırǵan puqaralardı qollap-quwatlaw hám de olardıń huqıq hám máplerin qorǵaw forı qarjları esabınan;
2023-jıldan baslap Bántlik hám miynet munasábetleri ministrliginiń tiykarlantirilgan esap-kitaplarına kóre hár jılı Shet elde miynet iskerligin ámelge asırıp atırǵan puqaralardı qollap-quwatlaw hámde olardıń huqıq hám máplerin qorǵaw qorına ajratılatuǵın byudjet qarjları esabınan ámelge asıriladı.
Bunda,Turkiya Respublikası hám Kazaxstan Respublikasındaǵı wákiller iskerligin materiallıq hám finanslıq qollap-quwatlaw ushın qarjılar Sırtqı isler ministrligine ótkerip barıladı.
Ózbekstan kásiplik awqamları Federaciyasinıń 2022-jıl 1-maydan baslap Federaciya qarjları esabınan hár jılı:
a)máhellede isbilermenlikti rawajlandırıw, xalıq bántligin támiyinlew hám jarlılıqtı kemeytiw máseleleri boyınsha rayon (qala) hákimleri járdemshileriniń jazba usınısnamasına tiykarlanıp:
baǵıwshısı shet elge miynet migraciyasina shıǵıp ketken hám «Sociallıq qorǵaw birden-bir reestri» informaciya sistemasında dizimde bolǵan shańaraqlarǵa bazalıq esaplaw muǵdarınıń 2 esesı muǵdarında bir retlik materiallıq járdem kórsetiw;
miynet migraciyasina shıǵıp ketken puqaralardıń «Sociallıq qorǵaw birden-bir reestri» informaciya sistemasında dizimde bolǵan yamasa «Temir dápter», «Hayallar dápteri» hám «Jaslar dápteri»den birine kiritilgen, mayıplıǵı bolǵan shańaraq aǵzalarına dári-dárman, esitiw apparatları hám ortopedik ónimler satıp alıw ushın bazalıq esaplaw muǵdarınıń 5 esesı muǵdarında bir retlik materiallıq járdem kórsetiw;
miynet migraciyasina shıǵıp ketken puqaralardıń Ózbekstan Respublikasında olar menen birge jasawshı pensiya jasına jetken yamasa I hám II gruppa mayıplıǵı bolǵan shańaraq aǵzalarına kásiplik awqamları sistemasındaǵı kórkem oner hám profilaktikalıq emleniw mákemelerine bir retlik biypul jollanba beriw;
b) máhellelerdegi jaslar jetekshileriniń jazba usınısnamasına tiykarınan «Sociallıq qorǵaw birden-bir reestri» informaciya sistemasında dizimde bolǵan yamasa «Temir dápter», «Hayallar dápteri» hám «Jaslar dápteri»den birine kiritilgen hám de miynet migraciyasina shıǵıp ketken puqaralardıń balalarına máwsimiy iskerlik júrgizetuǵın dem alıw ornılarǵa biypul jollanbalar beriw názerde tutılǵan.
Sonday-aq, Ózbekstan kásiplik awqamları Federaciyasınıń qarjları esabınan miynet migraciyasina shıǵıp ketken puqaralardıń shańaraq aǵzalarına járdem pulları hám jollanbalar beriwde:
a)járdem pulları hám jollanbalar eger miynet migraciyasina shıǵıp ketken puqaralar «Labor migration» programmalıq kompleksinde dizimnen ótken bolsa beriledi;
b) járdem pulları hám jollanbalardı alıw ushın talabanlar Bántlik hám miynet munasábetleri ministrligine «Labor migration» programmalıq kompleksi arqalı elektron tárzde murájat etedi;
v) Bántlik hám miynet munasábetleri ministrligi:
talabanlardan elektron murájat kelip túsken waqıttan baslap bes kún ishinde názerde tutılǵan talaplarǵa juwap beriwin qosımsha hújjetlerdi sorap almaǵan halda keńselerara elektron informaciya almasıwı arqalı basqa ministrlik hám keńselerden alınǵan maǵlıwmatlar tiykarında tekseredi hám de hákim járdemshileri hám máhellelerdegi jaslar jetekshilerinen jazba usınısnama aladı.
Bozataw rayonı yuridikalıq xızmet kórsetiw
orayı bas yuriskonsultı T.Tańatarov.