Янгиликлар
16
Nızamshılıqtaǵı_jańalıqlar
“Nuranıylardı hár tárepleme qollap-quwatlaw, olardıń turmıs dárejesin arttırıwǵa baylanıslı qosımsha ilajlar haqqında”ǵı Prezident qararı (PQ-167-san, 15.03.2022-j.) qabıllandı.Qararǵa muwapıq, “Bir nuranıy on jasqa juwapker” principin engiziwde baslamashı nuranıyler materiallıq hám ruwxıy qollap-quwatlanadı.Xızmetkerdiń pensiya jasına tolǵanlıǵı ushın miynet shártnamasın jumıs beriwshiniń baslaması menen biykar etiw qadaǵan etiledi.
2022-jıl 1-aprelden:
➖ ózgeler kútimine mútáj jalǵız kekseler hám jalǵız jasaytuǵın kekseler hár jılı bir márte sanatoriylarda biypul emlenedi;
➖ sharayatı awır hám kem támiyinlengen kekselerge receptke tiykar 3 aylıq talaptan kelip shıǵıp dári ónimler, medicinalıq hám arnawlı protez-ortopediya úskeneleri alıp beriledi hám de xirurgiyalıq operaciyalardıń qárejetleri qaplanadı;
➖ awır diagnozlı kesellikleri hám mayıplıǵı bolǵan kekselerge shıpakerlerdiń receptlerine muwapıq, 3 aylıq mútájlikten kelip shıǵıp dári qurallarınıń 50 procentine shekemgi summası kompensaciya etiledi;
➖ kekselerdiń denetárbiya hám sport penen shuǵıllanıwı ushın abonement qárejetleri qaplanadı;
➖ mámleketlik teatrlar hám muzeylerge kekseler ushın bilet bahaları tolıq qaplap beriledi.
2022-jıl 1-sentyabrge shekem kekselerge tiyisli maǵlıwmat hám jańalıqlar olardıń mobil telefon nomerlerine SMS arqalı xabar berip barıladı.
Mámleketimizde jedel qartayıw indeksi engiziledi.