Янгиликлар
15
Nızamshılıqtaǵı_jańalıqlar
“Ózbekstan Respublikasınıń ayırım nızam hújjetlerine ózgeris hám qosımshalar kirgiziw haqqında”ǵı Nızam (759-san, 14.03.2022-j.) Prezident tárepinen imzalandı.
Nızam menen biometrik pasport ornına ID-kartalar engizilip atırǵanlıǵı sebepli ayırım Kodeksler hám nızamlarǵa ID-karta túsinigi kirgizildi.
Sonday-aq, ID-kartalardı, shet elge shıǵıw biometrik pasportın joyıtqanlıǵı, olardı jaramsız halǵa keltirgenligi ushın juwapkershilik belgilendi.
Shańaraq kodeksinde balalardıń tuwılıwın dizimge alıw ata-anasınıń turaqlı jasaw yamasa waqtınsha turǵan ornına qaramastan puqaralıq halatı aktlerin jazıw uyımlarında 1 ay ishinde ámelge asırılıwı belgilendi.
Shaxsın tastıyıqlawshı hújjetlerge neke dizimge alınǵanlıǵı haqqında belgi qoyılıwına baylanıslı norma shıǵarıp taslandı.Jer mámleket yamasa jámiyet mútájlikleri ushın alıp qoyılǵanda puqaralarǵa onıń ornına berilip atırǵan úy-jay aldınǵı úy-jaydan qımbatlaw bolsa, parıq qılǵan baha puqaralar tárepinen qaytarıp berilmeydi.Burın 5 jılda qaytarılıwı lazım edi.
Sociallıq qorǵaw birden bir reestrine kirgizilgen shaxsqa, sonday-aq onıń qasında júriwshi shaxsqa shet mámlekette qánigelesken medicinalıq járdem kórsetilgende yamasa xirurgiya ámeliyatı ótkerilgende shet elge shıǵıw biometrik pasportın bergenligi ushın mámleketlik bajı óndirilmeydi.
ID-karta beriw ushın BEMnıń 89 payızı muǵdarında bajı óndiriledi, shet elge shıǵıw ushın biometrik pasporttı bergenligi ushın BEMnıń 1 esesi muǵdarında óndiriledi (burın BEMnıń 1,2 esesi edi).