Янгиликлар
11
Nızamshılıqtaǵı_jańalıqlar
“Salıq hákimshiligi jetilistiriliwi múnásibeti menen Ózbekstan Respublikasınıń ayırım nızam hújjetlerine ózgeris hám qosımshalar kirgiziw haqqında”ǵı Nızam (758-sanlı Nızam, 11.03.2022-j.) Prezident tárepinen imzalandı.
Nızam menen Hákimshilik juwapkershilik haqqındaǵı kodekske qosımshalar kirgizildi.
Oǵan kóre, salıq esabatın óz waqtında usınbaw hámde salıq hám jıyımlardı tólew ushın tólem tapsırmasın xızmet kórsetip atırǵan bankke usınbaw yamasa óz waqtında usınbaw Salıq uyımlarınıń Birden bir avtomatlastırılǵan málimleme sisteması arqalı dizimge alǵan halda yuridikalıq shaxstıń basshısı yamasa jeke tártiptegi isbilermenniń hákimshilik juwapkershilikke tartılıwına tiykar boladı.
Sonday-aq, tovarlar hám kórsetilip atırǵan xızmetler ushın naq pul qarjıları menen yamasa plastik kartochkalar boyınsha esap-kitap formasına qarap, olardıń bahaların jasalma túrde asırıw yamasa páseytiriw BEMnıń 30 esesi (8 mln 100 mıń sum) muǵdarında járiyma salıwǵa sebep boladı.
Nızam menen Salıq kodeksine salıq qadaǵalawın ámelge asırıwǵa baylanıslı háreketlerdiń qalıslıǵın támiyinlewge qaratılǵan ózgerisler kirgizildi.
Oǵan kóre, Salıq qadaǵalawın ámelge asırıwǵa baylanıslı háreketlerdiń qalıslıǵı videoǵa alıw qurılmalarınan paydalanıw tiykarında, bunday imkaniyat bolmaǵanda qalıslar qatnasında ámelge asırıladı.
Videokórinisti jazıp alıw toqtawsız hám izshil túrde alıp barıladı. Videokórinis materiallarınıń kóshirme nusqası salıq tólewshige yamasa onıń wákiline salıq qadaǵalawına baylanıslı ilaj juwmaqlanǵannan keyin usınıladı.
Nızamshılıqta videojazıw qadaǵan etilgen jaǵdaylarda yamasa qalıslar salıq qadaǵalawın ámelge asırıw menen baylanıslı háreketlerge májbúriy tártipte tartıladı.