Янгиликлар
14
Nızamshılıqtaǵı_jańalıqlar
Ayırım baqshalarǵa balanı 2 jastan qabıllawǵa ruqsat beriledi
Pármanǵa (https://t.me/huqiqiymalimleme/6033) muwapıq, hayal-qızlarǵa dizayn, toqımashılıq, málimleme texnologiyaları, tarmaqlar ekonomikası, marketing hám talap joqarı bolǵan basqa tálim baǵdarları boyınsha tálim beretuǵın universitet ashıladı.
Hár jılı mart ayında ámeliy innovciyalıq joybarlar boyınsha “Olim ayol” tańlawı ótkerip barıladı.
Komitet janında “Alım hayallar jámiyeti” dúziledi hám oǵan hayal-qızlardı ámelde qollap-quwatlaw hám jáne de xoshametlew ushın 50 milliard sum ajıratıladı.
Awıllıq orınlardaǵı hayallardı kásipke oqıtıw, isbilermenlikke tartıw hám jumıs penen támiyinlew maqsetinde 2023-jıldan hár jılı mámleketlik emes shólkemlerge BEMnıń 7 mıń esesi muǵdarına shekem grantlar ajıratıladı.
Mámleketlik basqarıw akademiyasında basshı hayal-qızlardı tayarlaw boyınsha bólek oqıw kursları shólkemlestiriledi hámde hár jılı keminde 100 hayal-qızlar oqıtıladı.
2024-jıl 1-yanvarǵa shekem barlıq mámleketlik uyımlar hám shólkemler, ustavında mámleket úlesi 50 procent hám onnan kóp bolǵan shólkemler hámde olardıń sistemasındaǵı shólkem basshılarınıń keminde 1 orınbasarı hayal-qızlar arasınan tayınlanadı.
Shańaraqlıq isbilermenlikti rawajlandırıw baģdarlaması sheńberinde hayal-qızlardıń biznes-joybarların qarjılandırıw ushın 2022-jılda qosımsha 1 trillion sum ajiratıladı.
2022-jıl 1-aprelden:
➖ Isbilermenlikti jańadan baslap atırǵan hayal-qızlarǵa ajıratılıp atırǵan subsidiya muǵdarı 7 million sumnan 10 million sumǵa asırıladı;
➖ “Ónerment” birlespesi qasındaǵı ónermentshilik oraylarında keminde 40 payız isbilermen hayal-qızlar tárepinen islep shıǵarılǵan ónimler jaylastırıladı.
➖ 2022-jılda subsidiyalardıń keminde 40 payızı hayal-qızlarǵa baģdarlanadı;
➖ Ijarada turǵan “Hayallar dápteri”ne kirgizilgen mútájligi bar hayal-qızlarǵa ijara tóleminiń 50 payızı, kóbi menen 500 mıń sumǵa shekem kompensaciya beriledi.
2022-jıl 1-aprelden:
➖baǵıwshısınan ayırılģan hayal-qızlardıń:
perzentleri mámleketlik baqshalarģa tólenetuǵın ata-analar tóleminen azat etiledi;
3 jasqa shekemgi perzentleri ushın mámleketlik emes baqshalarǵa byudjetten subsidiyalar ajıratıladı.
➖ tolıq quwatlıq penen islemey atırǵan mámleketlik baqshalarına 2 jastan 3 jasqa shekemgi balalardı pullı xızmet kórsetiw formasında qabıllawǵa ruqsat beriledi;
➖keshki smenada hayal-qızlar isleytuǵın kárxana hám shólkemler óz qasında baqsha shólkemlestirgende, olardaǵı tárbiyashılardıń is haqı byudjetten qaplap beriledi.