Янгиликлар
14
Bilesiz be?
2022/2023-oqıw jılınan magistraturada oqıytuǵın barlıq hayal-qızlardıń kontrakti tólep beriledi
“Shańaraq hám hayal-qızlardı sistemalı qollap-quwatlawǵa baylanıslı islerdi jáne de jedellestiriw ilajları haqqında”ǵı Prezident Pármanı (PP-87-san, 07.03.2022-j.) qabıllandı.
Pármanǵa muwapıq, 2022-jıl 1-sentyabrden byudjet shólkemlerinen basqa barlıq yuridikalıq shaxslarda aqırǵı 6 ayda úzliksiz is stajı bolǵan hayallarǵa hár ay ushın minimal tutınıw qárejetleri muǵdarınan kelip shıǵıp byudjet esabınan hámiledarlıq hám tuwıw napaqası tólenedi.
2022/2023-oqıw jılınan :
▫️ JOO, texnikum hám kolledjlerde, sırtqı hám keshki tálimde oqıp atırǵan hayal-qızlar kontraktların tólew ushın 7 jılǵa procentsiz kredit beriw ushın banklerge byudjetten hár jılı 1,8 trillion sum ajıratıladı;
▫️ mámleketlik JOOlarında magistraturada oqıp atırǵan barlıq hayal-qızlardıń kontrakt tólemleri qaplap beriledi hám buǵan hár jılı keminde 200 milliard sum ajıratıladı ;
▫️ Shet el JOOlarına bakalavriat ushın - 50, magistratura ushın - 10
hayal-qızlarǵa hár jılı “El-yurt umidi” qorı arqalı qosımsha grantlar ajıratıladı ;
▫️ hár jılı 2 100 sociallıq mútájligi bar shańaraq wákilleri, jetim yamasa ata-anasınıń qaramaǵınan ayırılǵan student hayal-qızlardıń tálim kontraktları jergilikli byudjetten tólep beriledi;
▫️qánigeligi boyınsha keminde 5 jıl miynet stajına iye, biraq joqarı maǵlıwmatqa iye bolmaǵan 500 hayal-qızlar hár jılı Shańaraq hám hayal-qızlar mámleketlik komiteti usınısına tiykar mámleketlik JOOlarına ulıwma kvotadan tısqarı óz aldına test sınaqları nátiyjelerine muwapıq kontrakt tiykarında oqıwǵa qabıl etiledi;
▫️mámleketlik ilimiy shólkemler yamasa JOO doktoranturasına hayal-qızlar ushın hár jılı keminde 300 den maqsetli kvota ajıratıp barıladı.