Янгиликлар
10
Nızamshılıqtaǵı_jańalıqlar
Húkimet qararı (106-san, 09.03.2022-j.) menen “Avtomobil tariyxı” maǵlıwmatların usınıw boyınsha mámleketlik xızmetin kórsetiwdiń hákimshilik reglamenti tastıyıqlandı
Qararǵa kóre, 2022-jıl 1-maydan:
➖ “Avtomobil tariyxı” maǵlıwmatların shártnamalıq tiykarda MXO, BIMXP (my.gov.uz) yamasa veb-saytlar hám olardıń qosımshaları arqalı anıqlaw boyınsha mámleketlik xızmeti jolǵa qoyıladı;
➖ avtotransporttı texnik kórikten ótkeriw processinde avtotransporttıń basıp ótken jolı haqqındaǵı maǵlıwmatlar, sonıń ishinde texnik kórikten ótkeriwshi isbilermenler tárepinen de májbúriy tártipte málimleme sistemasına kirgiziledi.
“Avtomobil tariyxı” maǵlıwmatları tómendegilerdi óz ishine aladı:
▫️avtotransporttıń agregat maǵlıwmatları;
▫️basıp ótken aralıǵı;
▫️shártnama dúzilgenligine baylanıslı maǵlıwmatlar (isenimxat, ijara, sawǵa);
▫️jol-transport hádiysesi islengenligi;
▫️qaǵıydalar halatı;
▫️ girewge qoyılǵanlıq halatı;
▫️ qadaǵan bar yamasa joq ekenligi;
▫️ bajıxana rásmiylestiriwine baylanıslı maǵlıwmat;
▫️ licenziya alınǵanlıǵı halatı (jolawshıt tasıw ushın).
Mámleketlik xızmetten paydalanıw ushın sorawnama toltırıladı (MXO, BIMXP, veb-sayt yamasa qosımsha arqalı).Mámleketlik xızmet ushın BEMnıń 10 procenti (27 mıń sum) muǵdarında jıyım óndiriledi.Maǵlıwmatlar real waqıt rejiminde tayarlanadı hám arza beriwshige usınıladı.Maǵlıwmatnama shaxsqa baylanıslı maǵlıwmatlar áshkar etilmegen halda beriledi (avtotransport múlkdarı tárepinen óz “Avtomobil tariyxı”n biliw ushın jiberilgen sorawnamalar bunnan tısqarı).
Maǵlıwmatnama málimleme xarakterine iye hújjet esaplanadı. Arza beriwshiler Ózbekstanda dizimnen ótken qálegen avtomobil haqqında maǵlıwmat alıwı múmkin.