Янгиликлар
28
Bir_múrájat_izinen
Taqıyatas rayonı ádillik bólimi tárepinen, M.A. atlı puqaranıń Sanitariya-epidemoilogiyalıq tınıshlıq hám jámiyet salamatlıǵı xızmeti Taqıyatas rayonı bóliminiń juwaplı xızmetkerleriniń háreketleri ústinen narazılıǵıńızdı bildirgen shaǵım arzası úyrenilip shıǵıldı.Anıqlanıwınsha, rayon prokuraturası tárepinen SEThJSXnıń hákimshilik ámeliyatı úyrenilip, Taqıyatas rayonı mektepke shekemgi bilimlendiriw bólimine qaraslı 11-sanlı mektepke shekemgi bilimlendiriw shólkeminde anıqlanǵan kemshiliklerdi saplastırıw haqqında SEThJSXne usınıs xatı kirgizilgen.Usı xatqa muwapıq shólkemde tákrarıy ráwishte sanitariyalıq baqlaw ótkeriw ushın jiberilgen.
SEThJSXniń juwaplı xızmetkerleri tárepinen 2021-jıl 26-noyabr kúngi halatına shólkemde sanitariya-epidemiologiyalıq tekseriw ótkerilgenligi tuwralı akt dúzilip, puqara M.A. atlı puqaranıń qarsısına hákimshilik juwapkershilik haqqındaǵı bayannama rásmiylestirilgen hámde usı jıldıń 30-noyabr kúni Ózbekstan Respublikası Hákimshilik juwapkershilik haqqındaǵı Kodeksiniń 53-statyasına muwapıq bazalıq esaplaw muǵdarınıń 6 esesi muǵdarında járiyma salıw haqqında qarar shıǵarılǵan.
Ministirler Kabinetiniń 2019-jıl 25-apreldegi 352-sanlı qararı menen tastıyıqlanǵan “Mektepke shekemgi bilimlendiriw mekemeleri jumısların tekseriw tártibi haqqında”ǵı Rejeniń 30-bántinde, tekseriwge wákillikli uyım tárepinen ilgeri tekserilgen máseleler boyınsha qayta tekseriw hámde bir jılda bir márteden artıq baqlaw tártibindegi tekseriwler ótkerilmeytuǵınlıǵı belgilengen.Usı reje talapları ámel qılınbastan shólkemde tákrarıy ráwishte sanitariya-epidemiologiyalıq tekseriw ótkerilgenligi boyınsha M.A. atlı puqaranıń tiykarlı narazılıǵınıń kelip shıqqan.
Ózbekstan Respublikası Oliy sudi Plenumınıń 2018-jıl 30-noyabr kúngi “Sudlar tárepinen hákimshilik huqıqbuzarlıq haqqındaǵı islerdi kóriwdi tártipke salıwshı nızamlardı qollawdıń ayırım máseleleri haqqında”ǵı qararınıń 2-bántinde, hákimshilik sudqa tiyisli bolǵan hákimshilik huqıqbuzarlıq haqqındaǵı isler dizimi Kodekstiń 245-statyası ekinshi bólimine tiykar sudlarǵa huqıqbuzar huqıqbuzarlıq faktınan bas tartqan jaǵdayda, hár qanday hákimshilik huqıqbuzarlıq haqqındaǵı isleri tiyisli ekenligi kórsetilgen.
Qarardıń 8-bántinde, sud hákimshilik huqıqbuzarlıq haqqındaǵı isti kórip shıǵıwda hákimshilik juwapkershilikke tartılıp atırǵan shaxstıń Kodekstiń 294-statyasında názerde tutılǵan huqıqların támiyinlew sharaların kóriwi shártligi, sol qatarda, hákimshilik juwapkershilikke tartılıp atırǵan shaxs is materialları menen tanısıp shıǵıwǵa, túsinikler beriwge, dáliyiller keltiriwge, óz iltimasın bayan etiwge, advokattıń yuridik járdeminen paydalanıwǵa, isti kórip shıǵıwda qatnasıwǵa, qarar ústinen shaǵım beriwge huqıqlı ekenligi, hákimshilik juwapkershilikke tartılıp atırǵan shaxs óziniń ayıpsızlıǵın dáliyillewge májbúr emesligi, hákimshilik juwapkershilikke tartılıp atırǵan shaxs huqıqlarınıń buzılıwı hákimshilik juwapkershilikke tartıw haqqındaǵı qarardı biykarlaw ushın tiykar bolatuǵınlıǵı bayan qılınǵan.
Sonlıqtan, Taqıyatas rayonı ádillik bólimi tárepinen 2021-jıl 30-noyabr kúngi 18-sanlı járiyma salıw haqqında qararın nızam talaplarına muwapıqlastırıw, nızam buzıwshılıqlarǵa jol qoymaw hám buǵan imkániyat jaratıwshı sharayatlardı saplastırıw sharaların kóriw haqqında SEThJSXne usınıs kiritilip, járiyma salıw haqqında qararı biykarlandı.
Taqıyatas rayonı ádillik bólimi
baslıǵı A.P.Abatov