Янгиликлар
02
Nızamshılıqtaǵı_jańalıqlar
«Shańaraq hám hayal-qızlar mámleketlik komitetiniń jumısın shólkemlestiriw haqqında»ǵı Prezident qararı (PQ-146-san, 01.03.2022-j.) qabıl etildi.
Qarar menen Hayal-qızlardıń jámiyettegi rolin jaqsılaw, gender teńlik hám shańaraq máseleleri boyınsha respublikalıq komissiya dúzildi.
Qararǵa bola, máhállelerdegi hayal-qızlar belsendisi lawazımına talabanlar ashıq tańlaw tiykarında jumısqa qabıl etiledi.
Bul lawazımǵa shańaraq hám hayal-qızlar menen islesiw tájiriybesine iye, jeke páziyletleri menen úlgi kórsetken, pidayı hám sadıq talabanlar tayınlanadı.
2022-jıl 1-maydan baslap máhálledegi hayal-qızlar belsendisiniń aylıq is haqı muǵdarı ol biriktirilgen máhálledegi xojalıqlar sanına sáykes túrde tómendegishe belgilenedi:
•xojalıqlar sanı 500 ge shekem bolǵan máhállede - miynetke haqı tólewdiń eń kem muǵdarınıń 3,5 esesi (2 mln 877 mıń sum) muǵdarında;
•xojalıqlar sanı 501 den 1 000 ǵa shekem bolǵan máhállede - miynetke haqı tólewdiń eń kem muǵdarınıń 4 esesi (3 mln 288 mıń sum) muǵdarında;
•xojalıqlar sanı 1 000 nan artıq bolǵan máhállede - miynetke haqı tólewdiń eń kem muǵdarınıń 4,5 esesi (3 mln 699 mıń sum) muǵdarında.
2022-jıl 1-avgustqa shekem máhállelerdegi hayal-qızlar belsendisi «Hayallar dápteri»n júrgiziw, aralıqtan turıp esabatlar usınıw hám videokonferencbaylanıs formasında jıynalıslarda qatnasıw imkaniyatın beriwshi planshetler menen támiyinlenedi.
Sonday-aq, Bas prokuratura strukturasında Hayal-qızlar huqıqların támiyinlew hám olardı zorlıq hám basımnan qorǵaw tarawlarında nızamshılıq orınlanıwı ústinen qadaǵalaw basqarması shólkemlestirildi.