Янгиликлар
02
Nızamshılıqtaǵı_jańalıqlar
“Shańaraq hám hayal-qızlar menen islew, máhálle hám nuraniylerdi qollap-quwatlaw sistemasın jetilistiriw ilajları haqqında”ǵı Prezident pármanı (PP–81-san, 01.03.2022-j.) qabıl etildi.
Párman menen Shańaraq hám hayal-qızlar mámleketlik komiteti hámde onıń aymaqlıq bólimleri shólkemlestirildi.
Komitet shańaraq hám hayal-qızlardı qollap-quwatlaw, olardıń huqıq hám nızamlı máplerin qorǵaw tarawındaǵı birden bir mámleketlik siyasattı islep shıǵıw hám ámelge asırıw boyınsha wákillikli mámleketlik basqarıw uyımı esaplanadı.
Shańaraq hám hayal-qızlar máselelerine baylanıslı normativ-huqıqıy hújjetler joybarları Komitet penen májbúriy túrde kelisiledi.
Párman menen tómendegi lawazımlar kirgizildi:
•Ministrler Kabinetine – Bas ministr orınbasarı – Shańaraq hám hayal-qızlar mámleketlik komiteti baslıǵı;
•Qaraqalpaqstan Respublikası Ministrler Keńesine– Ministrler Keńesi Baslıǵı orınbasarı – Shańaraq hám hayal-qızlar komiteti baslıǵı;
•Wálayat hákimliklerine – hákim orınbasarları – shańaraq hám hayal-qızlar basqarmaları baslıqları;
•rayon (qala) hákimliklerine – hákim orınbasarları – shańaraq hám hayal-qızlar bólimleri baslıqları lawazımları.
Tómendegi lawazımlar saplastırıldı:
•máhálle hám shańaraqtı qollap-quwatlaw ministri;
•máhálle hám shańaraqtı qollap-quwatlaw basqarmaları baslıqları;
•máhálle hám shańaraqtı qollap-quwatlaw bólimleri baslıqları lawazımları.
Hár bir qalasha, awılda, hár bir máhállede hayal-qızlar belsendisi lawazımı engiziledi.
Pármanǵa tiykar, Máhálle hám shańaraqtı qollap-quwatlaw ministrligi hámde onıń aymaqlıq bólimleri negizinde tiyislinshe Máhálle hám nuraniylerdi qollap-quwatlaw ministrligi hám onıń aymaqlıq bólimleri shólkemlestirildi.
Ministrlik nuraniy hám kekselerdi qollap-quwatlaw, olardıń huqıq hám nızamlı máplerin qorǵaw tarawındaǵı birden bir mámleketlik siyasattı islep shıǵıw hám ámelge asırıw, máhálleler menen ózara birge islesiwdi ornatıw boyınsha wákillikli mámleketlik basqarıw uyımı esaplanadı.
Pármanga tiykar, máhálle baslıǵına qosımsha huqıqlar berildi.
Atap aytqanda, máhálle baslıǵı rayon (qala) hákim járdemshisi, máhálledegi jaslar jetekshisi hám hayal-qızlar belsenisi, ishki isler uyımları tayanısh punkti profilaktika (aǵa) inspektorların xoshametlew yamasa olarǵa qarata iyelep turǵan lawazımınan azat etiwge shekem bolǵan jaza sharaların qollaw boyınsha usı xızmetkerlerdiń joqarı turıwshı uyımlarına kórip shıǵılıwı májbúriy bolǵan usınıslar kirgiziwi múmkin.
2022-jıl 1-iyulge shekem “Máhálle haqqında”ǵı nızam joybarı islep shıǵıladı.