Янгиликлар
25
Huqıqıy хızmet kórsetiwdi mámleket tárepinen tártipke salıw bólimi iskerliginen
Huqıqıy хızmet kórsetiwdi mámleket tárepinen tártipke salıw bólimi iskerliginen
Qaraqalpaqstan Respublikası Ádillik ministrligi huqıqıy хızmet kórsetiwdi mámleket tárepinen tártipke salıw bólimine 2021 jıl dawamında 49 shaǵım kelip tústi, 4 qanaatlandırıldı, 3 - tákrariy.
Shaǵımlardıń 34 notariat tarawına tiyisli, 7 advokatura, al qalǵan 7 basqa tarawlarǵa tiyisli.
Notariat tarawına tiyisli 3 shaǵım boyınsha hızmet tekseriwi ótkerildi, solardan 2 shaǵım boyınsha óz tastıyıǵın tappadı, al 1 hızmet tekseriwi juwmaǵı menen notarius licenziyasınıı menen notarius licenziyasını ámel etiwi 1 ay múddetke toxtatıldı.
Huqıqıy xızmet kórsetiw tarawında xalqımızǵa 187 mıńnan artıq notarial xızmetler kórsetilip, 36,7 mlrd sumǵa jaqın mámleketlik bajı pulları óndirildi.
Sonday-aq, kórsetilgen pullıq huqıqıy xızmetler ushın 14,3 mlrd. muǵdarındaǵı pul qarjıları óndirilgen.
Keyingi jıllarda notariat institutın rawajlandırıw, onı jánede jetilistiriw hám xalqımızǵa kórsetiletuǵın huqıqıy xızmetlerdiń sapasın asırıw maqsetinde bir qatar normativ hújjetler qabıl etildi, “Notarius” avtomatlastırılǵan málimleme dizimi eńgizildi. Nátiyjede, bir notarial háreketti ámelge asırıwǵa sarplanatuǵın waqıt ortasha 40 minuttan 20 minuttqa qısqardı.
Sonday-aq, Ózbekstan Respublikası Ministrler Kabinetiniń 2020-jıl 16-marttaǵı 156-sanlı qararınıń talaplarına muwapıq, usı jıldıń basınan Ózbekstan Respublikası Ádillik ministriliginiń janındaǵı Joqarı mamanlıq komissiyasınıń imtixanınan tabıslı ótken 2 talabanǵa jeke ámeliyat penen shuǵıllanıw huqıqın beriwshi licenziyaları berildi.
Sonıń menen birge, ministrlik tárepinen ótkerilgen tekseriwler nátiyjesinde 1 notarius licenziyasınıń ámel etiwi tamamlandı, 22 notariustıń licenziyasınıń ámel etiwi waqtınsha toqtatıldı.
Maǵlıwmat ushın: házirde Qaraqalpaqstan Respublikası aymaǵında 53 (01.01.2022 kúnine) jeke ámeliyat penen shuǵıllanıwshı notariuslar óz jumısların alıp barmaqta.
Ózbekstan Respublikası “Mediaciya haqqında”ǵı Nızam talaplarına kóre, Qaraqalpaqstan Respublikası Ádillik ministrligi tárepinen professional mediatorlar reestri júrgiziliwi muwapıqlastırılıp barıladı, esabat dáwirinde mediatorlardı tayarlaw arnawlı oqıw kursların tamamlaǵan jámi 18 jeke ámeliyat penen shuǵıllawshı notariuslar professional mediatorlar reestrine kiritildi.
Maǵlıwmat ushın: házirde Qaraqalpaqstan Respublikası Ádillik ministrligi tárepinen jámi 22 mediator professional mediatorlar reestrine kiritilgen.
Advokatura tarawında:
Búgingi kúnde Respublika aymaǵında jámi 82 advokatlıq dúzilmeleri óz iskerligin kórsetip atırǵan bolsa, usınnan 2 advokatlar kollegiyası, 5 advokatlar firması hámde 75 advokatlıq byurolarında jámi 115 advokatlar jumıs islep kelmekte. Usınıń menen 10 000 halqqa ortasha 1,15 advokat tuwrı kelmekte. (16029 adamǵa 1 advokat tuwrı kelmekte).
Advokatlar tárepinen 2021 jıl dawamında halıqqa 1068 biypul másláhát berilgen.
Esabat dáwirinde jámi 13 talabanǵa advokatlıq licenziyaları berilip, 6 advokatlıq byurosı mámleketlik dizimnen ótkerildi.
Ótken dáwirde bólim tárepinen 9 úgit-násiyat jumısları ótkerildi, solardan 5 televidenie, 2 radio hám qalǵan 2 gazeta jurnallar arqalı.
Azamat Shabatov,
Bólim baslıǵı