Янгиликлар
20
Kegeyli rayonı ádillik bólimi tárepinen 2021-jıl dawamında ámelge asırılǵan jumısları boyınsha málimleme
Kegeyli rayonı ádillik bólimi tárepinen 2021-jıl dawamında ámelge asırılǵan jumısları boyınsha málimleme
Prezidentimizdiń 2018-jıl 13-aprel kúngi 5415-sanlı Pármanı menen Ádillik ministrligi jumısların jetilistiriw tarawında reformalar ámelge asırılıp, ministrlik tariyxında birinshi márte rayon (qala) ádillik bólimleri shólkemlestirildi hám olarǵa tómendegishe wazıypalar júkletildi: Atap aytqanda;
- hákimlerge hám mámleketlik organlarına nızamlar hámde normativ - huqıqıy hújjetlerdi qollaw máseleleri boyınsha másláhátler beriw;
- qabıl etilip atırǵan nızamlar hám normativ - huqıqıy hújjetlerdiń mazmun - mánisin «respublika-wálayat-rayon-máhálle» principi boyınsha xalıqqa jetkeriw;
- hákimler hám xalıq deputatları keńesleriniń qararların huqıqıy ekspertizadan ótkeriw;
- huqıqtı qollaw ámeliyatın úyreniw, analizlew hám usınıslardı islep shıǵıw;
- óz wákillik sheńberinde fizikalıq hám yuridikalıq shaxslardıń múrájatların kórip shıǵıw wazıypaları júkletilgen.
Birden bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, mámleketlik hám xojalıq basqarıw, jergilikli mámleketlik hákimiyatı uyımları jumıslarında huqıqtı qollaw ámeliyatın izshil hám bir túrde támiyinlew boyınsha ilajlardı ámelge asırıw ádillik uyımlarınıń tiykarǵı wazıypası esaplanadı.
Sonıń menen birge qabıl etilip atırǵan nızamshılıq hújjetleri orınlanıwın nátiyjeli shólkemlestiriw hám monitoring etiwdiń tásirsheń sistemasın jaratıw maqsetinde usı jıldıń 10-fevral kúni Ózbekstan Respublikası Prezidentiniń “Nızamshılıq hújjetleri orınlanıwın nátiyjeli shólkemlestiriwde mámleketlik basqarıw uyımları hám jergilikli atqarıwshı hákimiyat uyımları basshılarınıń jeke juwapkershiligin kúsheytiriwge baylanıslı qosımsha ilajlar haqqında”ǵı 6166-sanlı Pármanı qabıl etildi.
Bul párman menen hám Ádillik ministrligine tómendegi qosımsha wazıypalar júkletilip, olar:
● nızam hújjetleri hám tapsırmalarınıń óz waqıtında, tolıq hám sapalı ámelge asırılıwın támiynlew boyınsha mánzilli hám tematikalıq tallaw (analiz) úyreniwlerdi alıp barıw hám orınlardaǵı jaǵday monitoringin júritiw;
● mámleketlik uyımları hám shólkemleriniń nızam hújjetleri hám tapsırmalar orınlanıwın támiyinlew boyınsha iskerligin ǵalaba xabar quralları hám sociallıq tarmaqlarda “Prezident qararları – turmısta hám qadaǵalawda” atamasında jarıtıw hám dodalaw jumısların shólkemlestiriw;
● nızam hújjetleri hám tapsırmalarınıń ámelde orınlanıwına tosqınlıq etip atırǵan mashqalalar hám faktorlardı anıqlaw;
● mámleketlik uyımları hám shólkemlerine nızam hújjetleri hám tapsırmalar orınlanıwı boyınsha huqıqıy-metodikalıq kómeklesiwden ibarat.
Bul baǵdarda 2021 jıld dawamında Kegeyli rayonı ádillik bólimi tárepinen bir qatar jumıslar ámelge asırıldı.
Atap aytqanda, fizikalıq hám yuridikalıq shaxslardan 141 arza hám shaǵımlar kelip tusip 119 (85 %) qanaatlandırıldı, 22 múrájaatqa huqıqıy túsinik berildi. Ótkerilgen 11 jeke qabıllawda 41 murajat unamlı sheshimin taptı.
sudlarǵa sudlarǵa puqaralardıń mápin gózlep 275 mln 693 mıń sӯmlıq 75 daӯa arzalar kirgizilip, puqaralardıń huqıqları tiklendi.
Ádillik bólimine kelip túsken múrájatlar analizlengende eń kóp múrájatlar miynet hámde sociallıq qorǵaw máselelerine baylanıslı ekenligi anıqlandı.
Kegeyli rayonındaǵı mákeme hám shólkemlerde Sociallıq-ekonomika tarawında huqıqtı qollaw ámeliyatın bólim is rejelerine tiykar ótkerilgen úyreniwler boyınsha 27 úyreniwler ótkerilip, 4190 nızam buzıwshılıq jaǵdayları anıqlandı.
Úyreniwler nátiyjesinde 2021-jılda anıqlanǵan nızam buzıwshılık jaǵdayların saplastırıw hám aldaǵı uaqıtlarda jolqoymaw haqkında mákeme hám shólkemlerge jámi 33 usınıslar kirgizildi.
Ádillik bólimi tárepinen Kegeyli rayonı hákimliginiń 14 qarar joybarları huqıqıy ekspertizadan ótkerilip mámleketlik esapqa alındı.
Puqaralardıń huqıqıy sana hám huqıqıy mádeniyatın joqarılatıwǵa baylanıslı jumıslardıń nátiyjeliligin jáne de asırıw, puqaralardıń jámiyetlik-siyasiy ózgerisler menen sáykes túrde huqıqıy bilimlerin asırıp barıwdıń zamanagóy usılların engiziw maqsetinde 2019-jıldıń 9-yanvar kúni Ózbekstan Respublikası Prezidentiniń 5618-sanlı Pármanı qabıl etildi. Párman menen “Jámiyette huqıqıy mádeniyattı joqarılatıw Koncepciya”sı tastıyıqlandı.
2021-jıl dawamında ádillik bólimi tárepinen «shaxs — shańaraq — máhálle — bilimlendiriw mákemesi — shólkem — jámiyet» principi boyınsha 1016 úgit-násiyat jumısları (643 ǵalaba xabar qurallarında, 348 awızeki, 25 kórgizbeli huqıqıy úgit-násiyat) alıp barıldı. Jańadan qabıl etilgen 1224 normativ-huqıqıy hújjetler rayonlıq mákeme hám shólkemlerine elektron formada jetkerilip berildi.
Ádillik bólimi tárepinen mámleketlik uyımlardıń huqıqtı qollaw ámeliyatın úyreniw tiykarınan normativ-huqıqıy hújjetler orınlanıwın támiyinlew, nadurıs yamasa qarama-qarsılıqlı qollaw ámeliyatına alıp keletuǵın normalardı óz waqtında anıqlaw hám saplastırıw boyınsha ámelge asırılmaqta.
Sonıń menen bir qatarda Kegeyli rayonlıq Xalıq bilimlendiriw bóliminde Awıl xojalıǵı bóliminde huqıqtı qollaw ámeliyatı boyınsha úyreniwler ótkerildi hám anıqlanǵan nızambuzıwshılıq jaǵdayların saplastırıw boyınsha usınıslar kiritildi.
Kegeyli rayonı ádillik
bólimi baslıǵı S.Asanov