Янгиликлар
01
1-fevraldan baslap nızamshılıqta neler ózgeredi?
1-fevraldan baslap nızamshılıqta neler ózgeredi?
1. Fizikalıq shaxslarǵa ózin-ózi bánt etken shaxs sıpatında óziniń xojalıǵında balıq jetistiriwdi jolǵa qoyıwına ruxsat beriledi.
2022-jıl 1-fevraldan 2025-jıl 1-yanvarǵa shekem balıqshılıqtı intensivlestiriw ushın zárúr bolǵan ásbap-úskeneler hám texnologiyalar (aerator, basseyn, avtokormushka, UZV), sonday-aq, qayta islew úskenelerin islep shıǵarıwdı jolǵa qoyǵan, biraq dáramatınıń 80 procentinen artıǵın bul úskenelerdi islep shıǵarıwdan alatuǵın subektler ushın:
• payda salıǵı (kommerciyalıq banklerde jayǵastırılǵan pullardan alınǵan procentlerden tısqarı);
• yuridikalıq shaxslardan alınatuǵın jer salıǵı;
• yuridikalıq shaxslardıń mal-múlk salıǵı hám suw resurslarınan paydalanǵanlıǵı ushın salıq stavkaları 50 procentke azaytıladı.
2. Jetim balalar hám ata-ana qarawınan ayırılǵan balalar elektron sistema arqalı anıqlanadı.
Húkimettiń 26-san qararına tiykar, «Mehir dápteri»ne kirgizilgen jetim balalar hám ata-ana qarawınan ayırılǵan balalarǵa tiyisli maǵlıwmatlardı «Elektron húkimet» sisteması mákemeler aralıq integraciyalasıw platforması arqalı anıqlanadı.
3. Korrupciyaǵa qarsı gúresiw jumıslarınıń nátiyjeliligin reyting bahalaw sisteması engiziledi.
Ózbekstan Respublikası Prezidentiniń PQ-81-sanlı qararına muwapıq, 2022-jıl 1-fevraldan baslap korrupciyaǵa qarsı gúresiw jumıslarınıń nátiyjeliligin reyting bahalaw sisteması, eksperiment jol menen tiyisli dizimde keltirilgen hám óz jumısında korrupciyaǵa qarsı menedjment sistemasın engizip atırǵan mámleketlik shólkemlerdiń jumısına engiziledi.
4. Jańa hákim orınbasarı lawazımı engiziledi.
Ózbekstan Respublikası Prezidentiniń PQ-76-sanlı qararına bola, 2022-jıl 1-fevraldan baslap:
Wálayat hám rayon (qala) hákimleriniń kapital qurılıs, kommunikaciyalar hám kommunal xojalıq máseleleri boyınsha orınbasarı lawazımı tamamlanılıp, qurılıs, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı lawazımı engiziledi.
Zulfiya Bayniyazova,
Taqıyatas rayonı Yuridikalıq xızmet kórsetiw
orayı bas yuriskonsulti