Янгиликлар
24
Ózin-ózi basqarıw uyımları xızmetkerlerine tólenbey kelingen ústeme pulları ádillik bólimi aralasıwı menen tólenetuǵın boldı
Qońırat rayonı ádillik bólimine rayondaǵı ózin-ózi basqarıw uyımlarında islewshi 70 xızmetker Prezident Pármanı menen belgilengen ústeme pulları tólemey atırǵanlıǵın bildirip múrájat etti.
Ózbekstan Respublikası Prezidentinıń 2020-jılı 18-fevral kúngi “Jámiyette sociallıq-ruwxıy ortalıqtı salamatlastırıw, máhálle institutın jánede qollap-quwatlaw hámde shańaraq hám hayal-qızlar menen islesiw sistemasın jańa dárejege alıp shıǵıw ilajları haqqında”ǵı PP-5938-sanlı Pármanında jergilikli byudjetlerdiń qosımsha derekleri hám byudjet shólkemleriniń materiallıq xoshametlew arnawlı qorı esabınan 2020-jıl 1-iyulden baslap puqaralardıń ózin-ózi basqarıw uyımları xızmetkerleriniń lawazım is-haqısına 30 payız qosımsha arnawlı ústeme pulları tólenetuǵınlıǵı belgilengen.
Múrájattı úyreniw dawamında Qońırat rayonı ádillik bólimi tárepinen, rayon aymaǵındaǵı ózin-ózi basqarıw uyımlarınıń xızmetkerlerine lawazım is haqısına qosımsha ústeme pulların óndiriw boyınsha múrájaat qılǵan 70 xızmetkerdiń mápin kózlep 2020-jıl iyul ayınan 2021-jıl oktyabr ayına shekem ulıwma 348 882 767 sumlıq 30 payız qosımsha arnawlı ústemelerdi óndiriw boyınsha Puqaralıq isleri boyınsha Qońırat rayonlararalıq sudına arzalar kiritildi.
Sud tárepinen arzalar qanaatlandırılıp, sud buyrıǵı shıǵarıldı.
J.Mambedullaev,
Qońırat rayonı rayonı ádillik bólimi baslıǵı