Янгиликлар
24
Nızamshılıqtaǵı_jańalıqlar
Húkimet qararı (81-san, 21.02.2022-j.) menen Qıytaq jer iyeleri menen kooperaciya tiykarında jumıstı shólkemlestirgen isbilermenlerge qoymaxananı úskenelew, sonıń menen birge, awıl xojalıǵı ónimlerin keptiriw, saralaw hám qadaqlaw úskenelerin satıp alıw qárejetleriniń bir bólegine subsidiya ajıratıw tártibi haqqındaǵı Reje tastıyıqlandı.
Rejege kóre, qıytaq jer iyeleri menen kooperaciya tiykarında jumıstı shólkemlestirgen isbilermenlerge 2026-jıl 1-yanvarǵa shekem qoymaxanalardı úskenelew qárejetleriniń 30 procenti, biraq 150 mln sumnan artıq bolmaǵan muǵdarda subsidiya beriledi.
Bunda talabanlar hár jılı 1-aprelge shekem BIMXP (my.gov.uz) yamasa “Agrosubsidiya” MS arqalı elektron arza beredi.
Arzaǵa kooperaciya tiykarında jumıs shólkemlestirilgenligin tastıyıqlawshı rayon fermerler keńesi hám rayon hákimi járdemshisi usınısı qosımsha etiledi.
Rayon fermerler keńesi finans bólimi menen birge 5 jumıs kúninde arza hám hújjetlerdiń nızamlılıǵın, talabanlardıń finanslıq jaǵdayın ornına shıqqan halda úyrenedi.
Hár jılı 15-aprelge shekem talabanlardıń mánzilli dizimi qáliplestirilip, respublika isshi toparına usınıs etiledi.
Hár jılı 20-aprelge shekem subsidiya ajıratıwǵa kómeklesiwshi respublika isshi toparı aymaqlar hám rayonlar kesimindegi mánzilli dizimdi analiz etip, ulıwmalastıradı.
Subsidiya obekti satıp alınǵannan keyin mánzilli dizimge kirgizilgen talabanlar subsidiya alıw boyınsha arzanı zárúr hújjetlerdi qosımsha etken halda BIMXP yamasa “Agrosubsidiya” MS arqalı elektron formada jiberedi.
Arza kelip túsken kúnnen baslap 5 jumıs kúninde talabanlardıń subsidiya obekti ornına shıǵıp úyrenilinip, juwmaq rásmiylestiriledi.
Talabanlarǵa subsidiya ajıratıw haqqındaǵı juwmaqlar hám maǵlıwmatlar 3 jumıs kúninde respublika isshi toparına usınıladı.
Keyin respublika isshi toparı:
-5 jumıs kúninde juwmaq hám maǵlıwmatlardı úyrenip shıǵadı. Zárúrlikke kóre talabanlardıń usınısların ornına shıqqan halda úyrenedi;
-3 jumıs kúninde subsidiya ajıratıw maqsetke muwapıqlıǵı haqqındaǵı juwmaqlardı rásmiylestiredi.
Fermer, diyqan xojalıqları hám qıytaq jer iyelerin qollap-quwatlaw qorı juwmaq kelip túsken kúnnen baslap 3 jumıs kúninde talabanlar menen shártnama dúzedi.
Shártnama imzalanǵannan keyin 3 jumıs kúninde subsidiya talabanlardıń banktegi tiykarǵı esapbetlerine “UzASBO” programmalıq kompleksi arqalı ótkerip beriledi.