Янгиликлар
24
Nızamshılıqtaǵı_jańalıqlar
Húkimet qararı (80-san, 21.02.2022-j.) menen Arnawlı elektron sistema arqalı ayırım iskerlik túrlerin licenziyalaw tártibi haqqında birden-bir Reje tastıyıqlandı.
Rejege kóre, licenziya alıw talap etiletuǵın 28 iskerlik (atap aytqanda, mámleketlik emes bilimlendiriw xızmetlerin kórsetiw, materiallıq mádeniy miyrastıń kóshpes múlk obektlerin asıraw, turizm iskerligi, Jeke bántlik agentlikleriniń Ózbekstannan tısqarıda jumıs izlep atırǵan shaxslardı jumısqa jaylastırıw boyınsha iskerlik, dári ónimleri hám medicinalıq buyımlardı usaqlap realizatsiya qılıw hám basqa xızmetler) “Licenziya” málimleme sisteması yamasa Birden-bir interaktiv mámleketlik xızmetler portalı (my.gov.uz) arqalı licenziyalanadı.
Talaban licenziya alıw ushın arza hám oǵan qosımsha hújjetlerdi “Licenziya” MS yamasa BIMXP arqalı elektron formada jiberedi.
Arzalar “Licenziya” MS yamasa BIMXP arqalı dem alıs hám bayram kúnlerine qaramastan hár kúni 24 saat dawamında jiberiliwi múmkin.
- Arzaǵa kirgizilgen maǵlıwmatlar “Licenziya” MS arqalı keńseleraralıq birge islesiw sistemalarında ámeldegi maǵlıwmatlar tiykarında dáslepki tárizde avtomatikalıq túrde salıstırıladı hám tekseriledi.
- Jıyım tólengennen keyin arza hám oǵan qosımsha hújjetler “Licenziya” MS yamasa BIMXP arqalı avtomatikalıq tárizde licenziyalawshı uyımǵa jiberiledi.
- Licenziyalawshı uyım licenziya beriw yamasa licenziya beriwden bas tartıw haqqındaǵı qarardı “Licenziya” MS arqalı qabıl etedi.
- Qarar “Licenziya” MS arqalı real waqıt rejiminde avtomatikalıq tárizde talabannıń jeke kabinetine jiberiledi.
Licenziyalawshı uyım arzanı óz múddetinde kórip shıǵıp talabanǵa licenziya beriw yamasa beriwden bas tartıw haqqında qarar qabıl etpese, talaban bul haqqında licenziyalawshı uyımdı “Licenziya” MS yamasa BIMXP arqalı elektron formada xabardar etken halda licenziyalanatuǵın iskerlikti ámelge asırıw huqıqına iye boladı.