Янгиликлар
24
Nızamshılıqtaǵı_jańalıqlar
“Jámiyette huqıqıy mádeniyattı joqarılatıw boyınsha ilajlardı monitoring etiw hám bahalaw sistemasın jánede jetilistiriw ilajları haqqında”ǵı Húkimet qararı (74-san, 17.02.2022-j.) qabıl etildi.
Qararǵa muwapıq, jámiyette huqıqıy mádeniyattı joqarılatıw boyınsha ilajlardı monitoring etiw hám bahalaw “Huqıqıy úgit-násiyattı bahalaw sisteması” elektron portalı arqalı ámelge asırıladı.Elektron portaldan paydalanıw ushın hár bir mámleketlik uyım hám shólkemge óz aldına login hám parol beriledi. Mámleketlik uyım hám shólkem basshısı elektron portaldan paydalanıwǵa juwapker bolǵan xızmetkerlerdi belgileydi hám olardıń esabın júrgizedi.
Qarar menen Jámiyette huqıqıy mádeniyattı joqarılatıw boyınsha ilajlardı monitoring etiw hám bahalaw haqqındaǵı rejege kirgizilgen ózgeriske kóre:
•mámleketlik uyımlar hám shólkemler – ámelge asırılǵan huqıqıy úgit-násiyat ilajları haqqındaǵı maǵlıwmatlardı Portalǵa kirgizedi;
•portal tárepinen maǵlıwmatlar avtomatik analizlenedi hámde belgilengen ólshemler tiykarında bahalanadı.
•elektron portalǵa kirgizilgen maǵlıwmatlar hár jılı 20-yanvarǵa hám 20-iyulǵa shekem Ádillik ministrligi tárepinen puxta analizlenedi.
•zárúrlikke qaray ádillik uyımları wákilleri basqa mápdar ministrlik hám shólkemler menen birge elektron portalǵa kirgizilgen maǵlıwmatlardıń haqıyqıylıǵın úsh kún ishinde ornına shıǵıp úyreniwi múmkin.
•Úyreniw nátiyjesinde maǵlıwmatlardıń nadurıslıǵı anıqlansa, bul haqqında Ádillik ministrligi kemshilik anıqlanǵan tiyisli mámleketlik uyım hám shólkem basshıların kemshilik anıqlanǵan kúnnen baslap bir kún ishinde eskertedi hámde monitoring hám bahalaw juwmaǵı boyınsha tayarlanıp, Ministrler Kabinetine kirgiziletuǵın analitikalıq málimlemede olarǵa qarata tiyisli ilajlar kóriw boyınsha usınıslar beredi.
Ádillik ministrligi huqıqıy úgit-násiyat ilajları nátiyjeliligin asırıw boyınsha usınıslar islep shıǵadı, shólkemler juwapkershiligin asırıw boyınsha ilajlar kóredi, bahalaw nátiyjelerin ǴXQda jarıtıp baradı.