Янгиликлар
18
Isenim telefonına kelgen múrájat qanaatlandırıldı
Tórtkúl rayonı ádillik bólimi tárepinen puqara M.A.nıń Ádillik ministrliginiń isenim telefonı arqalı arnawlı ústeme pulları usı kúnge shekem tólenbey atırǵanlıǵınan narazı bolıp jollaǵan múrájatı úyrenildi.
Úyreniw dawamında 2021-jıl 1-yanvardan 2022-jıl 1-yanvarǵa shekem M.A.ǵa 32 795 313 sum muǵdarda arnawlı ústeme pulları esaplanǵan, biraq tólenbegenligi hám Mádeniyat bólimi tárepinen miynet kodeksiniń bir neshe statyaları talapları buzılǵanlıǵı anıqlandı.
Ózbekstan Respublikası Prezidentiniń 2020-jıl 26-maydaǵı Ózbekstan Respublikası mádeniyat ministrligi jumısların jetilistiriw ilajları haqqında”ǵı 4730-san qararınıń
11-bántinde, 2021-jıl 1-yanvardan baslap mámleketik xızmetkerleri ushın miynetke haqı tólewdiń birden-bir sisteması engiziliwine shekem Mádeniyat ministrligi, aymaqlıq mádeniyat basqarmaları, rayon hám qala mádeniyat bólimleri xızmetkerleri ushın Ózbekstan Respublikasınıń Mámleketlik byudjetinen usı qárejetler ushın Mádeniyat ministrligi janındaǵı Mádeniyat hám kórkem ónerdi rawajlandırıw qorına ajıratılatuǵın pullar esabınan materiallıq xoshametlewdiń tómendegi túrleri engizilgen:
- kóp jıllıq miyneti ushın xoshametlew koefficiyentin esapqa alǵan halda, lawazım is haqına belgilengen koefficiyentlerde tómendegi kólemlerde hár ayda qosımsha pul tóleniwi, yaǵnıy:
- 2 jıldan 5 jılǵa shekem — 0,1; 5 jıldan 10 jılǵa shekem — 0,2; 10 jıldan 15 jılǵa shekem — 0,3; 15 jıldan artıq — 0,4;
- xızmetkerler jumıslarınıń nátiyjeliligine kóre jumıs beriwshiniń arnawlı buyrıǵı menen ornatılatuǵın, lawazım is haqısınan (xoshametlew koefficiyentin esapqa alǵan halda) 100 procentke shekem bolǵan muǵdarda hár aylıq jeke ústeme;
- hár aylıq azıq-awqat ushın qárejetlerdi qaplaw boyınsha bazalıq esaplaw muǵdarınıń eki esesi muǵdarında tólemler;
- hár aylıq jol haqı ushın qárejetlerdi qaplaw boyınsha bazalıq esaplaw muǵdarınıń bir esesi muǵdarında tólemler, xızmet avtotransportı biriktirilgen xızmetkerlerden tısqarı dep belgilengen.
Joqarıdaǵılarǵa tiykar, múrájattı úyreniw nátiyjesi boyınsha tiyisli tásir sharaları qollanılıp, puqara M.A.nıń buzılǵan huqıqları tiklenip beriliwi hám oǵan 32 795 313 sum arnawlı ústeme pulları tólenip, shaǵımnıń qanaatlandırılıwı támiyinlendi.
Tórtkúl rayonı ádillik bólimi