Янгиликлар
18
Nızamshılıqtaǵı_jańalıqlar
“Mayıplıǵı bolǵan shaxslardı hámde xalıqtıń sociallıq járdemge mútáj qatlamların qollap-quwatlawdıń qosımsha ilajları haqqında”ǵı Prezident pármanı (PP–74-san, 17.02.2022-j.) qabıl etildi.
Pármanǵa tiykar, 2022-jıl 1-aprelden:
➖ miynetke jaramsız puqaralarǵa beriletuǵın mayıplıq napaqası hámde is stajı tolıq bolmaǵan waqıttaǵı mayıplıq pensiyasınıń eń kem muǵdarı qosımsha tólemdi esapqa alǵan halda – 440 000 sumnan 622 000 sumǵa shekem asırıladı;
➖ ózgeler kútimine mútáj mayıplıǵı bolǵan 18 jasqa shekem balalardıń kútimi menen bánt bolǵan balanıń nızamlı wákiline hár ayda 500 mıń sum muǵdarında napaqa tólemi (balaǵa qaraw napaqası) engizedi.
Bul napaqa Mámleketlik xızmetler orayları yamasa Birden bir interaktiv mámleketlik xızmetler portalına múrájat tiykarında byudjetten tısqarı Pensiya qorınıń rayon (qala) bólimleri tárepinen tayınlanadı hám tólenedi.
Pármanǵa tiykar, 2022-jıl 1-aprelden ózgeler kútimine mútáj balalardıń nızamlı wákilleri haqqındaǵı maǵlıwmatlar byudjetten tısqarı Pensiya qorına elektron usınıp barıladı.
2022-jıl oktyabrden 18 jasqa shekem mayıplıǵı bolǵan balalar hám adamnıń immunitet jetispewshiligi virusı keltirip shıǵaratuǵın kesellikke shalınǵan 18 jasqa shekem balalarǵa tólenetuǵın napaqalar hámde kútip qaraw napaqası puqaralardan qosımsha hújjetlerdi talap etpegen halda “proaktiv forma”da tayınlanadı.
Párman menen, sonday-aq ózgeler kútimine mútáj bolgan 18 jasqa shekemgi balalardıń kesellikleri dizimi (34) tastıyıqlandı.