Янгиликлар
18
Nızamshılıqtaǵı_jańalıqlar
Húkimet qararı (73-san, 16.02.2022-j.) menen Shet tilin biliw dárejesin anıqlaw boyınsha mámleketlik xızmetleri kórsetiwdiń hákimshilik reglamenti tastıyıqlandı.
Qararǵa kóre, 2022-jıl 1-marttan:
➖shet tilin biliw dárejesin anıqlaw, mamanlıq sertifikatı yamasa maǵlıwmatnama alıw ushın test sınaǵında qatnasıw boyınsha múrájatlar BIMXP (my.gov.uz) arqalı qabıl etiledi;
➖talapkerden 3,5 x 4,5 sm fotosúwret hám mámleketlik xızmeti ushın tólemdi tastıyıqlawshı hújjet nusqasın talap etiw biykar etiledi;
➖ imtihan ótkeriletuǵın kúnler MXO saytında járiyalanadı hám talapkerge imtihan kúnin ǵárezsiz tańlaw huqıqı beriledi;
➖ test nátiyjelerin járiyalaw múddeti 3 hápteden 1 háptege shekem qısqartırıladı;
➖ mamanlıq sertifikatı yamasa maǵlıwmatnama nátiyje járiyalanǵan kúnnen baslap 1 jumıs kúninde talapkerge jiberiledi.
Ámeldegi hár bir dáreje (A2, V1, V2, S1) ushın óz aldına imtihan tapsırıw tártibine qosımsha ulıwmalastırılǵan kóp dárejeli (Multi-level) test sisteması (V1, V2, S1) engiziledi.
Multi-level test sisteması 2022-jıl 1-marttan – ingliz tili ushın, 2022-jıl 1-noyabrden – nemis, francuz hám arap tilleri ushın engiziledi.
Reglamentke tiykar, shet tilin biliw dárejesin anıqlaw boyınsha mámleketlik xızmetler kórsetiwde talapker sorawnamanı ǵárezsiz túrde BIMXP arqalı toltıradı.
Sorawnamanı elektron sanlı imza menen tastıyıqlaw talap etilmeydi.
Sorawnama BIMXP arqalı avtomatik tárizde MTO (wákillikli uyım)ǵa jiberiledi.
MTO talapkerlerdi mamanlıq talapkerlerdi mamanlıq imtihanın ótkeriw ornı hám anıq waqtı haqqında imtihan sánesinen 3 kún aldın xabardar etiledi.
Shet tilin biliw dárejesi test sınaǵı, jazba is hám sóylew kónlikpesin bahalaw jolı menen anıqlanadı.
Mamanlıq imtihanı qaǵazlarda yamasa kompyuterda ótkeriliwi múmkin. Imtihan tapsırıwda talapker pasport, ID-karta yamasa tuwılǵanlıq haqqındaǵı gúwalıqtıń túp nusqasın usınadı. Mamanlıq imtihanınıń hár bir dáreje ushın ótkeriletuǵın test sınaǵı:
● “tıńlap túsiniw ”, “oqıw” bólimleriniń hár biri 30 sorawdan;
● “jazba is” bólimi 2 jazba tapsırmadan (dárejege baylanıslı halda birinshi tapsırma –
30-150 sózden, ekinshi tapsırma – 50-250 sózden);
● “sóylew” bólimi tapsırmalardıń 3 túrinen ibarat boladı.
Reglament 2022-jıl 1-marttan kúshke kiredi.