Янгиликлар
17
Nızamshılıqtaǵı_jańalıqlar
Mádeniy miyras agentliginıń kórsetpelerin orınlamaw ushın hákimshilik juwapkershilik belgilendi
Prezident tárepinen imzalanǵan Nızam (ÓRN-754, 15.02.2022-j.) menen Jınayat kodeksiniń 132-statyasına kirgizilgen ózgerislerge kóre, mámleket qáwipsizligine alınǵan materiallıq mádeniy miyraslar obektlerin joq qılıw, buzıw yamasa olarǵa zıyan jetkeriw:
● qayta yamasa qáwipli recidivist tárepinen;
● kóp muǵdarda zıyan jetkergen halda;
● bir topar shaxslar tárepinen aldınan til biriktirip ámelge asırılǵan bolsa, 5 jılǵa shekem erkinlikten ayırıw jazası qollanıwı múmkin.
Sol háreketler júdá kóp muǵdarda zıyan jetkergen halda islense, 7 jılǵa shekem erkinlikten ayırıw menen jazalanadı.
Nızam menen Hákimshilik juwapkershilik haqqındaǵı kodekske kirgizilgen qosımshalarǵa kóre, Mádeniy miyras agentligi jáne onıń aymaqlıq basqarmaları kórsetpelerin orınlamaw ushın hákimshilik juwapkershilik belgilendi.
Bul huqıqbuzarlıqtı islew:
➖ puqaralarǵa BEMnıń 3 esesine shekem (810 mıń sumǵa shekem);
➖ lawazımlı shaxslarǵa bolsa 5 esesine shekem (1 mln 350 mıń sumǵa shekem) muǵdarda járiyma salıwǵa sebep boladı.