Янгиликлар
17
Nızamshılıqtaǵı_jańalıqlar
Nızam (ÓRN–753-san, 15.02.2022-j.) menen Hákimshilik juwapkershilik haqqındaǵı kodekske ózgeris hám qosımshalar kirgizildi.
Kirgizilgen qosımshalarǵa kóre, shet el puqaraları hám puqaralıǵı bolmaǵan shaxslar mámleket shegarası rejimin buzıp ótkende (224-1-statya) qollanılǵan járiymanı tólemese, Ózbekstan aymaǵınan hákimshilik tárizde shıǵarıp jiberiledi.
Aldın járiyma tólewine qaramastan Ózbekstannan shıǵarıp jiberilgen.
Shet el puqaraları hám puqaralıǵı bolmaǵan shaxslar Ózbekstan aymaǵınan hákimshilik tárizde shıǵarıp jiberilgende keyin ala Ózbekstanǵa kiriw huqıqı shekleniw múddetin qollawǵa anıqlıq kirgizildi.
Usıǵan kóre, mámleketlik shegara rejimin birinshi márte buzıp ótkende 1 jıl múddet, ekinshi márte islengende 3 jıl múddet Ózbekstanǵa kiriw huqıqı sheklenedi.
Nızam menen, sonday-aq tómendegi huqıqbuzarlıqlarǵa baylanıslı jumıslardı Mámleketlik qáwipsizlik xızmeti Shegara otryadları kórip shıǵıwı belgilendi:
➖ shegara zonasına, sonday-aq puqaralardıń kiriwi hám bólıwına waqtınsha sheklew belgilengen orınlarǵa kiriw hámde olarda jasaw qaǵıydaların buzıw (224-statya);
➖ Mámleket shegarası arqalı ótkeriw punktlerindegi rejimdi buzıw (224-1-statya 1-bólimi).
Esletip ótemiz, hákimshilik tárizde shıǵarıp jiberiw jınayat isleri boyınsha rayon (qala) sudı tárepinen qollanıladı.