Янгиликлар
16
Nızamshılıqtaǵı_jańalıqlar
Húkimet qararı (71-san, 14.02.2022-jıl) menen Ózbekstan puqaraları hám yuridik shaxslarǵa turaqlı paydalanıw (iyelik qılıw), ijara hám miyras qılıp qaldırılatuǵın ómirlikke iyelik qılıw huqıqı tiykarında tiyisli bolǵan jer uchastkaların menshiklestiriw boyınsha mámleket kórsetkishine tiyisli hákimshilik reglamenet tastıyqlandı.
Hákimshilik reglamentke kóre, jer uchastkaların menshiklestiriw boyınsha mámleket xızmetleri MXO yáki Birden-bir interaktiv mámleket xızmetleri portalı (my.gov.uz) arqalı kórsetiledi.
Bunda arza toltırıp, oǵan tómendegiler qosımsha qılınadı:
- Isenim xatı (arza beriwshiniń wákili múrajáát qılǵanda);
- Jer uchastkasın menshiklestiriw haqqındaǵı qarar (arza beriwshi- yuridik shaxs bolsa).
Arza rayon (qala) qurılıs bólimi, kadastr filialı tárepinen kórip shıǵılıwı ushın “Yerxususiylashtirish” informacion sistemasına jiberiledi.
Kadastr filialı arza túsken kúnnen 5 is kúninde maǵlıwmatlardı tekseredi.
Rayon (qala) qurılıs bólimi 3 is kúninde jer kúninde jer jaylasqan aymaqtıń (xalıq punkti yáki olar arasındaǵı aymaqtı) rawajalandırıw qala qurılısı tárepinen rejelestiriw haqqındaǵı hámde olardı qurıw haqqındaǵı tastıyqlanǵan hújjetlerge jer uchastkası jaylasıwınıń muwapıqlıǵın kórip shıǵadı.
“Yerxususiylashtirish” informacion sistemasında arza nátiyjeleri boyınsha (kelisilgenligi yáki biykar etilgenligi) xabarnama qáliplestirilip, arza beriwshige jiberiledi.
Soǵan kóre arza beriwshi 10 is kúninde jerdi satıp alıw tólemin ámelge asıradı.
Tólem óz waqtında tólengende, jerge múlk huqıqın beriwshi mámleket ordeni qáliplestiriledi.
Kadastr basqarması order tiykarında 2 is kúninde jerge bolǵan huqıqtı mámkeketlik dizimnen ótkeredi hám onnan kóshirmeni arza beriwshige yáki MXOna jiberedi.
Mámleket xızmetlerin kórsetiw ushın BEMnıń 1- payızı (27 mıń sum) muǵdarda jıyım óndiriledi.
BIMXP arqalı xızmet kórsetilgende jıyım muǵdarı 24 300 sumdı quraydı.
Jıyımlar hám menshiklestirilip atırǵan jer uchastkasınıń satıp alıw qunı tólengenligi tastıyǵı “Yerxususiylashtirish” informacion sisteması arqalı ámelge asırıladı.
Reglament qatnasıwshılarına berilgen jer uchastkalarına qarata qollanılmaydı.