Янгиликлар
15
Ádillik_xabarı
Keyingi waqıtlarda Mámleketlik xızmetler oraylarında uzın náwbetler baqlanbaqta. Bunıń sebebi úyrenilgende, keliwshiler arasında aydawshılıq gúwalıǵın hújjettiń jańa úlgisindegine almastırıw múddeti usı jıldıń 1-mart sánesine shekem ekenligi hámde sonnan keyin aydawshılıq gúwalıqların almastırıwda qayta imtixan tapsırıw kerek boladı, degen nadurıs maǵlıwmat tarqalǵanlıǵı menen baylanıslı ekenligi anıqlandı.
Húrmetli aydawshılar!
Bul maǵlıwmat orınsız!
Xalıqqa qolaylı bolıw ushın, eski aydawshılıq gúwalıǵın jańasına almastırıw 2022-jıl 31-dekabrge shekem dawam etedi.
Qayta imtixan beti talap etilmeydi.
Eski aydawshılıq gúwalıqları tómendegi múddetlerde jańasına májbúriy almastırıladı:
● 2010-jılǵa shekem berilgenleri – 2022-jıl 31-martqa shekem;
● 2010–2012-jıllarda berilgenleri – 2022-jıl 30-iyunǵa shekem;
● 2013–2015-jıllarda berilgenleri – 2022-jıl 30-sentyabrge shekem;
● 2015-jıldan keyin berilgenleri – 2022-jıl 31-dekabrge shekem.
Búgingi kúnde Mámleketlik xızmetler oraylarında eski úlgidegi aydawshılıq gúwalıǵıńızdı hújjettiń jańa úlgidegisine almastırıw imkaniyatı jaratılǵan.
Esletip ótemiz, xızmetten paydalanıw ushın dizimdegi IIV JHQB bólimlerine (https://docs.google.com/document/d/1ZpkDS9WekNrPeHYFA1QPBElIUdZ8BXX4ZPrCt1pLEaQ/mobilebasic) de múrájat etiwińiz múmkin.