Янгиликлар
11
Nızamshılıqtaǵı_jańalıqlar
Sharwashılıqtı jánede rawajlandırıw hám sharwa azıqlıq bazasın bekkemlew ilajları haqqında”ǵı Prezident qararı (PQ-121-san, 08.02.2022-j) qabıl etildi.
2022-2024-jillarda 310 dana paxta toqımashılıq, ǵálleshilik hám Salıshılıq klasterleriniń sharwashılıq komplekslerinde 751 916 bas qaramal jetistiriledi.
2022-2023-jıllarda hár bir rayonda keminde 1 danadan gósh hám sút jetistiriwshi hám qayta islewshi kárxanalar xalıqqa kooperaciya usılında sharwa jetkerip beredi, jetistirilgen ónimler qayta islep satıladı.
Qararǵa muwapıq, kooperaciya usılında gósh hám sút jetistiriw hám qayta islewdi jolǵa qoyǵan xojalıq júritiwshi subiektlerge sharwashılıq baǵdarında:
- ajıratılatuǵın 20 milliard sumǵa shekem kreditler boyınsha payız stavkasınıń Oraylıq bank tiykarǵı stavkasınan asatuǵın, biraq 8 payızdan kóp bolmaǵan bólimine kompensaciya hámde kredit summasınıń 50 payızı muǵdarında kepillik beriledi;
- qamtıp alınatuǵın xalıqaralıq finans institutlarınıń kredit qarjıları 10 jıl múddetke 3 jıl jeńillikli dáwir menen ajıratıladı.
2022-jıl 1-yanvardan 2023-jıl 31-dekabrge shekem:
- QQS tólewshisi bolǵan sharwashılıq xojalıqlarına- óz xojalıqlarında hám xalıq xojalıqları menen birgelikte kooperaciya usılında jetistirilip, gósh ushın realizaciya qılınǵan iri hám mayda shaqlı qaramallar tiri ólsheminiń hár bir kilogrammı ushın subsidiya muǵdarı 2000 sumnan 4000sumǵa shekem hámde súttiń hár bir litri ushın 200 sumnan 400 sumǵa shekem asırıladı;
- sharwashılıq xojalıqları tárepinen kredit hám lizing shártleri tiykarında satıp alınatuǵın awıl xojalıǵı texnikaları kredit hám lizing payızı qárejetleriniń 10 payız punktinen artıq bólegi respublika byudjeti esabınan qaplap beriledi;
- Azıqlıq egin jer maydanlarında jawınlatıp hám tamshılatıp suwǵarıw texnologiyaların engizgen sharwashılıq xojalıqlarına onıń hár bir gektarı ushın 8 million sum muǵdarında subsidiya ajıratıladı;
- Gidroponika usılında sharwa mallarına azıqlıq jetistiriw úskenelerin satıp alıw qárejetleriniń 20 payızı respublika byudjeti esabınan qaplap beriledi. Bunda, usı úskene summasınıń 100 million sumnan aspaǵan bólegi qaplanadı.
Tiyisli dizim boyınsha shet elden alıp kelinetuǵın, islep shıǵarılǵanlıǵına 5 jıldan aspaǵan azıqlıq eginlerdi egiw, jıynaw hám azıqlıq tayarlaw awıl xojalıǵı texnikaları, olardıń pútinlewshi buyımları hám awısıq bólekleri, qaǵıyda retinde, 2025-jil 1-martqa shekem bajıxana tólemlerinen (QQS hám bajıxana rásmiylestiriw jıyımlarınan tısqarı) hám utilizaciya jıyımalarınan azat etiledi hámde isbilermenler QQSın 180 kúnge shekem keshiktirip tólewi múmkin.