Янгиликлар
10
Nızamshılıqtaǵı_jańalıqlar
“Puqaralardıń hám isbilermenlik subektleriniń huqıqları kepillikleri jánede kúsheytiriliwi múnásibeti menen Ózbekstan Respublikasınıń ayırım nızam hújjetlerine ózgeris hám qosımshalar kirgiziw haqqında”ǵı Nızam (ÓRN–752-san, 09.02.2022-j.) Prezident tárepinen imzalandi.
Kirgizilgen qosımshalarǵa muwapıq, mayıplıq pensiyaları Chernobil AEStegi avariya aqıbetinde III topar mayıplıǵı bolǵan shaxslarǵa da tólenedi.
Aldın tek ǵana I hám II topar mayıplıǵı bolǵan shaxslarǵa tóleniwi belgilengen.
- Shańaraqtıń miynetke jaramsız aǵzaları (balalar, aǵa-ini, apa-sińliler hám aqlıqlar) jası 18 jasqa shekem etip belgilendi. Aldın 16 jasqa shekem edi.
- Oqıwshılar hám studentler oqıwı dawamında, 23 jasqa shekem baǵıwshısın joyıtqanlıq napaqasın alıw múmkinligi belgilendi. Aldın 18 jasqa shekem edi.
Balanı kútip qaraw dem alısınıń is stajına qosılatuǵın dáwiri 6 jıl etip belgilendi. Aldın jámi 3 jıldan kóp bolmaǵan dáwir kirgizilgen.
Nızamǵa kóre, avtomobiller elektron aukcion arqalı ijaraǵa berilgende shártnamanı notarial tastıyıqlaw talap etilmeydi.
Sonday-aq, tómendegilerdiń qosılǵan qun salıǵınan azat etiw múddeti 2022-jıl 30-aprelge shekem uzaytırıldı:
➖ Ózbekstanǵa ósimlik mayı, ayǵabaǵar hám gúnji tuqımı, sonday-aq soya dánesin alıp kiriw;
➖ ósimlik mayın (paxta mayınan tısqarı) islep shıǵarıw hám (yamasa) realizaciya etiw boyınsha aylanba.
Burın 2021-jıl 31-dekabrge shekem edi.