Янгиликлар
09
Nızamshılıqtaǵı_jańalıqlar
Sud-ekspertlik jumıslarında ekspertiza hám izertlewlerdiń jańa túrleri ótkeriliwi jolǵa qoyıladı
“Ishki isler uyımlarınıń ekspert-kriminalistika jumıslarınа zamanagóy ilim-pán jetiskenliklerin keńnen engizgen halda jánede jetilistiriw ilajları haqqında”ǵı Prezident qararı (PQ-122-san, 08.02.2022-j.) qabıllandı.Qarar menen Ishki isler uyımlarınıń ekspert-kriminalistika jumısların jánede jetilistiriwdiń baslı baǵdarları belgilendi.
Qarar menen:
Ishki isler ministrligi Ekspert-kriminalistika bas orayı dúzilmesinde Genetikalıq izertlewler hám Shaxstıń genom málimlemesin mámleketlik dizimge alıw bólimleri dúzildi;
Ishki isler ministrligi shólkemlestiriwshiliginde oqatar, pnevmatikalıq, gazli, signal beretuǵın, suwıq hám basqa qurallar, olardıń oq-dárilerin, arnawlı quralların, oq ótkermeytuǵın arnawlı qorǵaw quralların, elektroshok apparatları, pirotexnika buyımları hám jarılıwshı materiallardı sertifikatlawdı ámelge asırıwshı mámleketlik mákemesi shólkemlestiriledi;
Ishki isler uyımlarınıń ekspert-kriminalistika bólimlerine ekspert-kriminalistika salasında shártnama tiykarında ekspertlik, biometrikalıq identifikaciya, ilimiy-izertlew hám málimleme xızmetlerin hámde tarawǵa tiyisli basqa pullı xızmetlerdi kórsetiw huqıqı berildi;
Arnawlı ilimiy-texnikalıq hám intellektual potencialǵa iye shaxslardı qánige yamasa texnikalıq jumısshı sıpatında ekspert-kriminalistika bólimlerine shártnama tiykarında tartıw ámeliyatı jolǵa qoyıladı.
Qararǵa muwapıq, ekspertiza hám izertlewlerdiń tómendegi jańa túrleri ótkeriliwi jolǵa qoyıladı:
2022-jıl juwmaǵına shekem:
video hám fototexnika ekspertizası, sonday-aq videojazıwlarda belgilengen transporttıń háreketleniw tezligin anıqlaw ekspertizası;
elektr tásirli qurallar ekspertizası;
gazli qurallar ekspertizası;
gaz-hawa qospası hám fizikalıq jarılıwlar ekspertizası;
transport qurallarına ornatılǵan gaz ballonları jarılıwı ekspertizası;
adam DNKsı biologiyalıq ekspertizası;
arnawlı texnika hám transport quralların bahalaw ekspertizası;
azıq-awqat ónimleri ekspertizası;
2023-jıl juwmaǵına shekem:
sanlı maǵlıwmatlar bazası ekspertizası;
Internet tarmaǵında bulıtlı servisler ekspertizası;
fonoskopiya ekspertizası.
2023-jıl 1-yanvarǵa shekem shaxs, buyım hám hádiyseler haqqında alınǵan málimlemeler boyınsha avtomatlastırılǵan kriminalistikalıq málimleme-izlew sisteması engiziledi.
Sonıń menen birge, 2023-jıl juwmaǵına shekem sud-tergew jumıslarında zatlıq dálil retinde alınǵan sintetikalıq túrdegi náshebentlik, sonıń menen birge, psixotrop hám kúshli tásir etiwshi dári ónimleriniń ximiyalıq quramı boyınsha oraylasqan málimleme-izlew sistemasın jaratıw ilajları kóriledi.
2022/2023-oqıw jılınan Ishki isler ministrligi Akademiyasınıń bakalavriat baǵdarlaması boyınsha tálim sistemasında “sanlı kriminalistika tiykarları” páni oqıtılıwı jolǵa qoyıladı.