Янгиликлар
03
Hayal_qızlar_huqıqı
Mútáj shańaraqlardaǵı hayal-qızlarǵa joqarı bilimlendiriw mákemelerine kiriwde mámleketlik grantı tiykarındaǵı qabıllaw sheńberindegi tańlawda qatnasıw ushın usınısnama beriledi (https://lex.uz/ru/docs/4866624).
Usınısnama tómendegi ólshemler tiykarında beriledi:
➖ kem támiyinlengen shańaraqlardaǵı hayal-qızlar;
➖ tolıqsız shańaraqta tárbiyalanıp atırǵan, yaǵnıy ákesi yamasa anası yaki olardıń ekewi de qaytıs bolǵan sociallıq járdemge mútáj qızlar;
➖ ómirlik joldası qaytıs bolǵan, erjetpegen perzentin jalǵız tárbiyalap atırǵan sociallıq járdemge mútáj hayallar;
➖ mayıp perzenti bar mútáj shańaraqlardaǵı hayal-qızlar;
➖ 2 hám onnan artıq perzentin tárbiyalap atırǵan, aǵayinlerinen óz aldına jasap atırǵan jalǵız hayallardıń qız perzentleri;
➖ ata-analarınan biri yamasa hár ekewi de I yamasa II topar mayıbı bolǵan mútáj shańaraqlardaǵı hayal-qızlar.
Usınısnama alıw ushın rayon (qala) máhálle hám shańaraqtı qollap-quwatlaw bólimlerine elektron formada múrájat etedi.