Янгиликлар
09
«TEMIR DÁPTER»GE KIMLER KIRITILEDI HÁM OLARĢA NIZAMSHILIQTA QANDAY JEŃILLIKLER BAR?
«TEMIR DÁPTER»GE KIMLER KIRITILEDI HÁM OLARĢA NIZAMSHILIQTA QANDAY JEŃILLIKLER BAR?
«Temir dápter» — sotsial jaǵdayı hám turmıs sharayatı awır hám de sektor basshıları tárepinen ayırıqsha qadaǵalawǵa alınǵan shańaraqlardı belgilew, mashqalalarıin anıqlaw, saplastırıw hám qadaǵalawın alıip barıw boyınsha maǵlıwmatlar bazası.
Temir dápterge tómendegi taypadaǵı shańaraqlar kiritiledi:
- Kem támiyinlengen shańaraq, dep tán alınǵan shańaraqlar ;
- sotsial járdemge mútáj I hám II topar mayıplıǵı bolǵan aǵzaları bar shańaraqlar ;
- kem támiyinlengen jalǵız baslılar hám qariyalar;
- baģıwshısın joyıtqan mútajligi bar shańaraqlar ;
- kóp (4 hám odan artıq ) perzentli materiyallıq járdemge mútáj shańaraqlar;
- miynetke uqıplı jumıssısz aǵzaları bolģan mútajligi bar shańaraqlar;
- meditsiinalıq járdemge mútáj mútajligi bar shańaraqlar (sozılmalı yamasa awır mayıplıqqa alıp keliwshi kesellikke shalınǵan hám mayıplıq toparı belgilenbegen aǵzaları bolģan jeterli dáramat deregine iye bolmaǵan shańaraqlar);
noturaq jaylarda jasap atırǵan, ózi yamasa birgelikte jasawshı shańaraq aǵzalarınıń atında turaq jay bolmaǵan mútajligi bar shańaraqlar.
Bunda, eger joqarıdaǵı taypalarǵa sáykes keletuǵın shańaraqlardıń aǵzaları uyqas túrde «Hayallar» hám «Jaslar» dápterlerine de kiritilgen bolsa, bul shańaraqlar dizimi «Hayallar» hám «Jaslar» dápterlerinde júritiledi.
Shańaraqlardıń jumıssız aǵzaları bándligin támiyinlew tómendegi jónelislerde ámelge asırıladı:
- Rayon (qala)lar hákimlikleri tárepinen investitsiya bólimleri, xalıq bándligine kómeklesiw orayları, kommertsiyalıq bankleri menen sheriklikte tarmaq hám aymaqlıq investitsiya programmalarına kiritilgen joybarlarda jaratılıp atırǵan jańa jumıs orınlarına jumısqa jaylastırıw;
- rayon (qala)lar hákimlikleri tárepinen xalıq bándligine kómeklesiw orayları menen birgelikte ámeldegi vakansiya hám rezerv (kvota) jumıs orınlarına jumısqa jaylastırıw hámde pul tólenetuǵın jámiyetlik jumıslarına tartıw;
- rayon (qala)lar hákimlikleri tárepinen awıl xojalıģı bólimleri menen birgelikte kooperativlerge qosıw, g'álleden bosaģan jerlerde qayta egin egiw hám oborottan shıǵıp ketken jerlerdi ózlestiriw esabına bántlikti támiyinlew hám basqalar.
Shańaraqlarǵa qıytaq jerden paydalanıwda tómendegi jónelislerde járdem kórsetiledi:
- Kiyim-kenshek konstruktsiyali ıssıxanalar ornatıw;
- qus, pal hárre, qoyan, balıq hám bódene baģıwdı jolǵa qoyıw;
- «Qıytaq jer xızmeti» shólkemleri hám «Atız dúkanları»n shólkemlestiriw.
Xalıq deputatları rayon (qala) Keńesi tárepinen tastıyıqlanǵan dizimler tiykarında «Temir dápter»ge kiritilgen shańaraqlarǵa «Saqawat hám kómek» fondı qarjıları esabınan bir retlik materiallıq járdem beriliwi múmkin.
«Temir dápter»den shańaraqlar tómendegi jaǵdaylarda shiǵarıladı:
- Bándligi támiyinlengen yamasa turaqlı dáramat deregine iye bolǵanda;
- bir mártelik materiallıq járdem kórsetiw arqalı mashqalası sheshilgende shańaraq aǵzasınıń razılıǵı menen;
- tájiriybeli meditsinalıq xızmet kórsetilgende;
- tolıq mámleket támiynatına alınǵanda («Mehribanlıq», «Saqawat» hám basqa qániygelestirilgen mákemelerge ótkerilgende);
- anıqlanǵan basqa máseleleri nızamlı sheshilgende;
- jalǵız jasaytuǵın mútajligi bar puqara azatlıqtan ayırılģanda yamasa qaytıs bolģanda;
- shańaraq aǵzasınıń múrájatına tiykar;
- «Temir dápter»ge nızamǵa qayshı kirgiziw jaǵdayı anıqlanǵanda;
- basqa mámleketlerge turaqlı jasaw ushın shıǵıp ketkende.
Temir dápterge kiritilgen shańaraqlar perzentlerine birinshi oqıw jılı ushın kontraktı tolep beriledi.
«Temir dápter»ge eki hám odan artıq máselelerin sheshiw ushın kiritilgen shańaraqlardıń barlıq máseleleri tolıq saplastırılıwı dápterden shıǵarıw ushın tiykar boladı.
Turaqlı jáne waqtınsha jasaw ushın respublikanıń basqa aymaǵına kóship ótkende, turaqlı jasaw hám waqtınsha turar ornı boyınsha dizimge alınǵan kúnnen baslap 15 kúnnen keshiktirmesten «Temir dápter»ge tiyisli ózgerisler kiritiledi.
Shomanay rayonı ádllik bólimi bas másláhátshisi E.Kannazarov