Янгиликлар
01
2022-jıl 1-fevraldan nızamshılıqta neler ózgeredi.
1.Puqaralar ózin-ózi bánt etken shaxs sıpatında óz úyinde balıq jetistiriwdi jolǵa qoyıwı múmkın.
Fizikalıq shaxslarǵa ózin-ózi bánt etken shaxs sıpatında óz úyinde balıq jetistiriwdi jolǵa qoyıwǵa ruxsat beriledi. 2022-jıl 1-fevraldan 2025-jıl 1-yanvarǵa shekem balıqshılıqtı intensivlestiriw ushın zárúr bolǵan áspab-úskeneler hám texnologiyalar( aerator, basseyn, avtokormushka, UZV) hámde qayta islew úskenelerin islep shıǵarawdı jolǵa qoyǵan,biraq dáramatınıń 80 payızdan artıǵın usı úskenelerdi islep shıgarıwdan alatuǵın subektler ushın payda salıǵı (kommerciyalıq banklerde jaylastırılgan qarjılardan alǵan payızlardan tısqarı), yuridikalıq shaxslardan alınatuǵın jer salıǵı,yuridikalıq shaxslardıń mal-múlkine salınatuǵın salıq hám suw resurslardan paydalanǵanlıǵı ushın salıq stavkaları 50 payızǵa kemeyttiriledi.
2.Ayırım Mámleketlik emes Tálim Shólkemlerinıń jay hám imaratlar ushın ijára tólemi qárejetleri 50% payızǵa shekem qaplap beriledi.
2024-jıl 1-yanvarǵa shekem Tashkent hám Samarqand qalalarında xızmet júrgizetuǵın mámleketlik emes tálim shólkemleri:
-jay hám imaratlar ijára tólemi qárejetleriniń 50 payızǵa shekemgi bólegin qaplap beriw tártibi engiziledi;
-ministrlik hám mákemeler dizimindegi kolledj hám texnikumlarda xızmetti ámelge asırǵanda ijára tólemlerinen azat etiledi.(saqlaw hám kommunal tólemler boyınsha qárejetler bularǵa tiyisli emes).
3.C1 dárejedegi xalıqara tán alınǵan sertifikatqa iye rus tili páni oqıtıwshılarına ústeme tólenedi. C1 dárejedegi milliy yaki oǵan teńlestirilgen tuwrı keletuǵın dárejedegi xalıqara tán alınǵan sertifikatqa iye rus tili páni oqıtıwshılarına sertifikat alınǵan kúnnen baslap 2 jıl dawamında tólenedi.
4.Jergilikli islep shıǵarıwshılardıń farmacevtika ónimlerin shet el mámleketlerinde dizimnen ótkiziw qárejetleriniń 75 % payızı qaplap beriledi.Shanaraq isbilermenligin rawajlandırıw dásturleri sheńberinde kreditler jıllıq 14 payız stavkada ajratıladı. «Shanaraq isbilermenligin rawajlandırıw hám xalıqtıń dáramat dereklerin keńeyttiriwge tiyisli qosımsha is-ilájlar haqqında»ǵı Prezident qararı (PQ-55-sanlı 20.12.2021-jıl) qabıl etildi.Qararǵa muwapıq 2022-jılda shańaraq isbilermenligin rawajlandırıw dástúrleri shegarasında:
-maqsetli fondlar ham ”Tiklanish va taraqqiyot” fondınıń resursları banklerge jıllıq 10 payızǵa jaylastırıladı;
-jeńillestirilgen kreditler jıllıq 14 payız stavkada;
-xalıq hámde isbilermenlerge-3-aydan 6 ayǵa shekem jeńillestirilgen dáwir menen 3 jılǵa shekem;
-sharwashılıq,balıqshılıq hám qusshılıq ushın 1-jılǵa shekem jeńillestirilgen dáwir menen 3 jılǵa shekem;
-baǵshılıq, júzimgershilik hám limonshılıq, ıssıxana, awıl-xojalıǵı texnikası hám aspab-úskenelerdi satıp alıw ushın 3 jılǵa shekem jeńillestirilgen dáwir menen 7 jılǵa shekem;
-«ónerment» awqamı aǵzalarına 3 jılǵa shekem hámde aylanba qárejetlerdi toltırıw ushın 18 ayǵa shekem ajratıladı;
-kreditler hákim járdemshileriniń usınısı tiykarında ajratıladı;
-sharwashılıq ushın kreditler keminde 10 nan 50 basqa shekem shetten ákelingen násilli sharwa malların baǵıw ushın kishi fermalardı shólkemlestiriwge beriledi;
-«jetekshi» isbilermenlerge diyxan xojalıqları jer maydanları hám xalıqtıń tamarqalarında awıl xojalıǵı ónimlerin kooperaciya tiykarında jetilistiriw hám jetilistirilgen ónimlerdi satıp alıw ushın aylanba qarjılardı toltırıwǵa kreditler ajratıladı.
-jergilikli islep shıǵarıwshı shólkemlerdiń farmacevtika ónimlerin shet mámleketlerde dizimnen ótkiziw qárejetleriniń 75 payızı olar ótkizilgenligin tastıyıqlawshı hújjet usınılǵannan soń Farmacevtika tarmaǵın qollap-quwatlaw hám rawajlandırıw fondınan qaplap beriledi.
-2022-jıl 1-marttan kreditler tolıq nomerlew arqalı Shanaraq isbilermenligin rawajlandırıw dastúriniń birden-bir elektron platforması arqalı ajratıladı.
5.Mayıplıǵı bolǵan shaxslardı kásip-ónerge úyretiw boyınsha qısqa múddetli kurslar shólkemlestiriledi.
Hár jılı 500 ge shekemgi mayıplılıǵı bolǵan jaslarǵa subsidiya ajratıladı.
«Mayıplılıǵı bolǵan shaxslardı hár tárepleme qollap-quwatlaw,olardın bántligine kómeklesiw hámde social aktivligin jánede asırıwga qaratılǵan is-ilajlar haqqında»ǵı Preziden qararı (PQ-57-sanlı, 21.12.2021 j) qabıl etildi. Qararǵa muwapıq, 2022-jıl 1-yanvardan Bántlikke kómeklesiw mámleket fondı qarjıları esabınan mayıplılıǵı bolǵan shaxslardı jumısqa alǵan is beriwshilerge hár bir xızmetker ushın 6 ayda BEMniń 1,5 esesinde subsidiya beriledi.
2022-jıl 1 marttan:
-balalıqtan mayıp bolǵan shaxslar I hám II topar mayıpları dáramat salıǵı boyınsha jeńillik miynetke haqı tólewdiń eń kem muǵdarınıń 1.41 esesinen 3 esesine shekem kóbeyttiriledi;
-2024 jıl 1 martqa shekem is beriwshilerge mayıplar ushın tólengen sociallıq salıq Mámleket byudjetinen tolıq qaytarılıp beriledi. Keleshekte mámleket buyırıtpashıları mayıplar jámiyeti birlespeleri menen olardın ónimlerin satıp alıw boyınsha tuwrıdan-tuwrı shártnamalar dúziwi múmkin.
Jaslarga tiyisli mámleketlik siyasatın qollap-quwatlaw fondı qarjıları esabınan hár jılı 500 ge shekem mayıp jaslarga tómendegiler ushın subsidiya ajratıladı:
-xabar texnologiyaları, kompyuterda dástúrlew ámeliyatı,ulıwma tálim pánler hám shet tillerdi úyreniw;
-isbilermen yaki ózin-ózi bánt etken shaxs sıpatında mámleketlik dizimnen ótkenlerge áspab-uskene hám miynet quralların satıp alıw ushın.
“El-yurt umidi”fondı esabınan 2022-jıldan hár jılı tańlaw tiykarında 20 ǵa shekem mayıp jaslar shet el JOOna,onlayn kurslarda tálim alıw shólkemlestiriledi.
-2022-jıl 1-fevraldan barlıq aymaqlardaǵı kásip-óner mektepleri,kolledjler hám texnikumlarda mayıplılıǵı bolǵan shaxslardı kásip-ónerge úyretiw boyınsha hár sherekte qısqa múddetli kurslar shólkemlestiriledi. Bunda,qısqa múddetli kurslardıń oqıw dásturleri miynet bazarında talap joqarı bolǵan kásipler inabatqa alǵan halda islep shıǵıladı.
Nókis rayonı yuridikalıq xızmet kórsetiw
orayı bas yuriskonsultı G.Izekeeva