Янгиликлар
03
Nızamshılıqtaǵı_jańalıqlar
Jańa_Ózbekstannıń_rawajlanıw_strategiyası
2022-jıl 28-yanvar kúni Ózbekstan Respublikası Prezidentiniń “2022-2026-jıllarǵa mólsherlengen Jańa Ózbekstannıń rawajlanıw strategiyası haqqında”ǵı Pármanı qabıl etildi.
Párman menen, “Háreketler strategiyasınan – Rawajlanıw strategiyasına qaray” principine tiykarlanıp islep shıǵılǵan tómendegi jeti tiykarǵı baǵdardan ibarat 2022-2026-jıllarǵa mólsherlengen Jańa Ózbekstannıń rawajlanıw strategiyası hám onı «Insan qádirin ulıǵlaw hám belsendi máhálle jılı»nda ámelge asırıwǵa baylanıslı mámleketlik baǵdarlama tastıyıqlandı:
-insan qádirin kóteriw hám erkin puqaralıq jámiyetti bunnan bılay da rawajlandırıw arqalı xalıqshıl mámleket qurıw;
-mámleketimizde ádillik hám nızam ústinligi principlerin rawajlanıwdıń eń tiykarǵı hám zárúr shártine aylandırıw;
-milliy ekonomikanı jedel rawajlandırıw hám joqarı ósiw pátlerin támiyinlew;
-ádil sociallıq siyasat júrgiziw, insan kapitalın rawajlandırıw;
-ruwxıy rawajlanıwdı támiyinlew hám tarawdı jańa basqıshqa alıp shıǵıw;
-milliy máplerden kelip shıqqan halda ulıwma insanıylıq mashqalalarǵa qatnas jasaw;
-mámleketimiz qáwipsizligi hám qorǵanıw potencialın kúsheytiw, ashıq-aydın, pragmatikalıq hám jedel sırtqı siyasat alıp barıw.