Янгиликлар
02
Nızamshılıqtaǵı_jańalıqlar
“Mámleketlik uyımlar menen qatnasıqlarda puqaralar hám isbilermenlik subektleri huqıqlarınıń nátiyjeli qorǵalıwın támiyinlew jáne xalıqtıń sudlarǵa bolǵan isenimin bunnan bılay da arttırıw ilajları haqqında”ǵı Prezident qararı (PQ–107-san, 29.01.2022-j.) qabıl etildi.
Qararǵa muwapıq, mámleketlik uyımlardıń qararları ústinen berilgen shaǵımlardı kórip shıǵıwda hákimshilik sudlardıń rolin kúsheytiw maqsetinde tómendegi tártipler engiziledi:
•hákimshilik sudqa dálillerdi jıynaw minnetlemesi júklenedi, huqıqı buzılǵanlarǵa bolsa dálillerdi jıynawda tek ǵana óziniń imkaniyatınan paydalanıw sharayatı jaratıladı;
• mámleketlik uyımlardıń qararları nátiyjesinde jetkerilgen zıyandı óndiriw talabın da hákimshilik sudqa bildiriw huqıqı beriledi;
• hákimshilik sudlardıń sheshiwshi qararları mámleketlik uyımlar tárepinen orınlanbaǵanda, olardıń lawazımlı shaxslarına sud járiymaları qollanıladı.
Endi arzalardı sudqa tiyisli bolmaǵanlıǵı sebepli biykar etiw yamasa is júrgiziwdi tamamlaw qadaǵan etiledi.
Arzalar sudqa tiyisli bolmaǵanda olardı kórip shıǵıw wákillikli sudqa ótkeriledi.
Bir sud isi sheńberinde ayırımları hákimshilik sudqa, basqaları bolsa puqaralıq sudqa tiyisli bolǵanda olardı birlestiriw qadaǵan etiledi.