Янгиликлар
01
Nızamshılıqtaǵı_jańalıqlar
“Aviaspottingdi rawajlandırıw ushın sharayatlar jaratıw ilajları haqqında”ǵı Húkimet qararı (43-san, 26.01.2022-j.) qabıllandı.
Qararǵa kóre, 2022-jıl 1-maydan Ózbekstandaǵı xalıqaralıq aeroportlarda aviaspotting - belgilengen tártipke tiykar aeroportlarda hawa kemeleri háreketin hámde ushıwın baqlaw, sonıń menen birge olardı professional hám háweskerler (aviaspotterlar) tárepinen foto, video súwretke alıwdı ámelge asırıw jolǵa qoyıladı.
Respublikadaǵı barlıq xalıqaralıq aeroportlarda, olarǵa tutas aymaqlarda aviaspotting shınıǵıwları ushın qánigelestirilgen orınlar (baqlaw maydanshaları) basqıshpa-basqısh ajıratıladı.
2022-jıl 1-maydan jergilikli háweskerler hám professional aviaspotterlar ushın hár shereklik máwsimlik tańlawlar, sonday-aq, hár jılǵı tańlawlar engiziledi hámde shólkemlestiriledi.
Qararǵa kóre, 2022-jıl 1-mayǵa shekem birinshi basqıshta Islam Karimov atındaǵı “Tashkent” xalıqaralıq aeroportı hám “Samarqand” xalıqaralıq aeroportında, 2022-jıl 1-iyuldan - qalǵan barlıq xalıqaralıq aeroportlar aymaǵında aviaspotting menen shuǵıllanıw ushın baqlaw maydanshaları tolıq iskerlik kórsetedi.