Янгиликлар
01
Nızamshılıqtaǵı_jańalıqlar
“Isti sudqa shekem júrgiziwde birden-bir keńseleraralıq elektron birge islesiw sistemasın engiziw ilajları haqqında”ǵı Prezident qararı (PQ-105-san, 28.01.2022-j.) qabıllandı.
Qararǵa kóre, sorastırıw hám dáslepki tergew uyımları iskerligin sanlastırıw hámde isti sudqa shekem júrgiziw máseleleri boyınsha “Elektron sorastırıw hám dáslepki tergew” birden-bir málimleme sisteması (Birden-bir tergew málimleme sisteması) engiziledi.
Birden-bir tergew málimleme sisteması arqalı isti sudqa shekem júrgiziw máselelerinde elektron hújjet almasıw tómendegiler tárepinen ámelge asırıladı:
- Ishki isler ministrligi;
- Bas prokuratura;
- Mámleketlik qáwipsizlik xızmeti;
- Bas prokuratura janındaǵı Ekonomikalıq jınayatlarǵa qarsı gúresiw departamenti
- Májbúriy orınlaw byurosı;
- Mámleketlik bajıxana komiteti;
- Milliy gvardiyanıń sorastırıw hám tergew uyımları.
Birden-bir tergew málimleme sistemasınıń basqa málimleme sistemaları menen integraciyalasıwı, onıń úzliksiz islewi, málimleme qáwipsizligi támiyinleniwi ushın Bas prokuratura juwapker esaplanadı.
Qarar menen Birden-bir tergew málimleme sisteması sheńberinde sorastırıw hám tergew uyımları menen elektron birge islesiwdi ámelge asırıwshı mámleketlik uyımlar hámde shólkemlerdiń dizimi tastıyıqlandı.
Soǵan kóre, fizikalıq hám yuridikalıq shaxslar haqqındaǵı ámeldegi maǵlıwmatlar sorastırıw hám tergew uyımlarınıń elektron sorawı boyınsha biypul tiykarda usınıladı.
Qararǵa tiykar, Májbúriy orınlaw byurosınıń 2022-jıl 1-maydan Birden-bir tergew málimleme sistemasınıń sınaw versiyası, 2022-jıl 1-avgusttan tolıq versiyası iske túsiriledi.
Sorastırıw hám tergew uyımları xızmetkerleriniń sanlı sawatlılıǵın hám mamanlıǵın asırıw, olardı málimleme texnologiyaları hám málimleme qáwipsizligi boyınsha oqıtıw Tashkent xabar texnologiyaları universiteti jáne onıń filialları negizinde shólkemlestiriledi.