Янгиликлар
31
Nızamshılıqtaǵı_jańalıqlar
Sociallıq napaqa alıwshı ózgeler kútimine mútáj jalǵız shaxslarǵa kompensaciya tólemi engiziledi
“Xalıqtıń sociallıq qorǵawǵa mútáj qatlamların materiallıq qollap-quwatlaw sistemasın bunnan bılayda jetilistiriw haqqında”ǵı Prezident Pármanı (PP-58-san, 28.01.2022-j.) qabıllandı.
Pármanǵa kóre, 2022-jıl 1-marttan :
turaq-jay kommunal xızmetler haqın tólew boyınsha jeńilliklerdiń ornına aylıq kompensaciya pul tólemleri, onı alıw huqıqına iye bolǵan barlıq jeńillikli kategoriyadaǵı shaxslarǵa, bul shaxslardıń pensiya (sociallıq napaqa) alıwı yamasa almawı hámde miynet iskerligin alıp barıwı yamasa alıp barmawına qaramastan tólep barıladı;
Sociallıq napaqa alıwshı ózgeler kútimine mútáj jalǵız shaxslarǵa kompensaciya tólemi engiziledi.
Bunda, hár aylıq kompensaciya tólemi - pensiyanı esaplawdıń bazalıq muǵdarınıń 45 procenti (130 050 sum) muǵdarında tólenedi.
Jası 100 ge tolǵan hám onnan asqan sociallıq napaqa alıwshı shaxslar ushın hár ayda - pensiyanı esaplawdıń bazalıq muǵdarınıń 100 procenti (289 mıń sum) muǵdarında qosımsha tólem belgilenedi.
Bunda, qosımsha tólem pensiya hám napaqa tayınlanǵan shólkem arqalı respublika byudjeti hám byudjetten tısqarı Pensiya qorı qarjıları esabınan qarjılandırıladı.