Янгиликлар
06
Nókis rayon ádillik bólimi tárepinen 2021-jıldıń IV shereginde ámelge asırılǵan jumıslar haqqında M Á L I M L E M E
Nókis rayon hákimligi hám xalıq deputatları Keńesleriniń normativ-huqıqıy xarakterge iye qararları joybarları nızamshılıqqa, xalıqara shártnama normalarına, mámleketimizde ámelge asırılıp atırǵan reformalardıń maqset hám wazıypalarına, nızamshılıq texnikası qaǵıydalarına muwapıqlıǵı, olardı korrupciyaǵa, basqa huqıqbuzarlıqlar júz beriwine shárayat jaratıp beretuǵın, sonday-aq fizikalıq hám yuridikalıq shaxslar ushın artıqsha hákimshilik hám basqa sheklewlerdi keltirip shıǵaratuǵın qaǵıyda hám normalardı anıqlaw boyınsha huqıqıy ekspertizadan ótkeriw boyınsha bólim tárepinen rayon hákimligine xat berilgen hámde hákim sheshimleri, xalıq deputatları Keńesleriniń sessiya qararları turaqlı túrde úyrenip barılmaqta.
2021 jıldıń 3-sheregi dawamında Nókis rayonı ádillik bólimi tárepinen bir qatar jumıslar ámelge asırıldı.
Insan huqıqların qorǵaw tarawı boyınsha Bólimge 2021-jıldıń IV sheregi dawamında jámi 175 múrájatlar kelip túsip bolıp, sonnan 107 múrájat qanaatlantırılǵan, 63 múrájatqa huqıqıy túsinik berilgen,4 múrájat tiyisliligi boyınsha basqa mekeme hám shólkemlerge jiberildi hámde.
Sudlarǵa jámi 64 dawa arzalar kiritilgen. Puqaralardıń esaplanǵan biraq tólenbey kiyatırǵan jámi 271 396 000 swm aylıq is haqıları sudqa dawa arza kiritiw jolı menen óndirilip alıp berilgen bolsa, bólim tárepinen insan huqıqların qorǵawǵa qaratılǵan jámi 28 dana “Usınıs”lar shıǵarılǵan. Shıǵarılǵan usınıslarǵa tiykar 14 515 530 sum pul summaları puqaralarǵa óndirip berilgen.
Ádillik bólimine kelip túsken múrájatlar analizlengende eń kóp múrájatlar pensiya napaqası, miynet, sociallıq qorǵaw hámde múrájátlar menen islesiw máselelerine baylanıslı ekenligi anıqlandı. Sociallıq-ekonomikalıq tarawda huqıqtı qollaw ámeliyat tarawı boyınsha, ótkerilgen jámi úyreniwler hám monitoringlar15, sonnan Rayon aymaǵında jaylasqan mekeme hám shólkemlerde 1460 nızam buzıw jaǵdayları anıqlandı.
Anıqlanǵan nızam buzıwshılıqlardı saplastırıw qaratılǵan tásir sharalar jámi 59 quraǵan bolıp sonnan, 28 usınıs kiritilgen, Hákimshilik juwapkershilikke tartıw 6 usınıs, 5 xızmetkerge intizamiy jaza sharası qollanılǵan. Mekemelerge 20 “Eskeritiw” kiritilgen.Norma dóretiwshiligi tarawında bólim xızmetkerleri tárepinen nızamshlıqqa ózgeris hám qosımshalar kiritiw boyınsha jámi 26 usınıslar kiritilgen.
Ádillik bólimi tárepinen Nókis rayonı hákimi hámde Nókis rayonı Xalq deputatlar Keńesiniń 10 qarar joybarları huqıqıy ekspertizadan ótkerilip mámleketlik esapqa alındı.
Huqıqıy úgit-násiyat tarawı boyınsha, Bólim tárepinen usı kúnge shekem jámi 767 huqıqıy úgit-násiyat jumısları alıp barılǵan sonnan; awızeki 243, gazetada 4, veb saytlarda 471, teleradioda 37 márte shıǵıwlar alıp barıldı. Elektron formada kelip túsken normativ-huqıqıy hújjetler sanı 1193 tiyisliligi boyınsha Rayondaǵı 41 mákeme, shólkemlerdiń elektron pochta, e-xat mánzillerine jiberilgen. Huqıqıy ekspertiza hám yuridik xızmetti tarawına baylanıslı Rayon aymaǵında jámi 12 mámleketlik mekeme hám shólkemlerge yuridik xızmet kórsetiw boyınsha Ózbekstan Respublikası Prezidentiniń “Mámleket organları hám shólkemleriniń yuridikalıq xızmet kórsetiw iskerligin jánede jetilistiriw is-ilájları haqqında”ǵı 2021-jıl 29-iyun kúngi qararına tiykar Qaraqalpaqstan Respublikası Ádillik ministrligi janındaǵı Nókis rayonı Yuridikalıq xızmet kórsetiw orayı shólkemlestirilip, oray ıqtıyarına 1 shtat birlik kesiminde oray baslıǵı hám 2 shtat birlik kesiminde bas yuriskonsult lawazımları biriktirilgen. Búgingi kúnde oray shtat birlikleri tolıq yuridik xızmet wákilleri menen qamtılǵan.
Nókis rayon ádillik bólimi basliǵi M.Seytimbetov