Янгиликлар
21
YURIDIKALÍQ XÍZMETLER KÓRSETIW ORAYLARÍ – MÁMLEKETLIK MEKEME HÁM SHÓLKEMLERINE SAPALÍ YURIDIKALÍQ XÍZMET KÓRSETIWGE QARATÍLǴAN TAǴÍ BIR QÁDEM.
Ózbekstan Respublikası Prezidentiniń 2021-jıl 29-iyun kúngi «Mámleketlik uyımları hám shólkemlerine yuridikalıq xızmet kórsetiwdi jánede jetilistiriw is-ilájları haqqında»ǵı PQ-5168-sanlı Qararı menen Qaraqalpaqstan Respublikasında 16 rayon hám Nokis qalasında yuridikalıq xızmet kórsetiw orayları shólkemlestirildi.
Oraylar tárepinen mámleket shólkemlerine yuridikalıq xizmet kórsetiw «E- huquqshunos» elektron sistemasınan paydalanǵan halda ámelge asırıladı. Oraylar tárepinen yuridikalıq xızmet kórsetiliwi belgilengen shólkemler tárepinen Oraylar menen kelisilmegen halda yuridikalıq tusdegi hújjetler qabıl etiliwine jol qoyılmaydı. Bunday hújjetler yuridikalıq kúshke iye emes hám de olar qabıl etilgen waqıttan baslap hesh qanday huqıqıy aqıbetlerdi keltirip shıǵarmaydı.
Qońırat rayonı yuridikalıq xızmet kórsetiw orayı 2021-jıl 4-oktyabrden óziniń jumısın baslaǵan bolsa, bugingi kunde orayǵa 5 shtat birligi ajıratılǵan bolıp, házirde 1 orın vakant, 4 bas yuriskonsult óz jumısların alıp barmaqta. Orayda har bir xızmetkerge stol, stul, shkaf, óz aldına zamanaǵoy kompyuter texnikası, skaner, nusqa kóshiriwshi printer berilgen hám optik talalı internet tarmaǵına jalǵanǵan.
Oray bas yuriskonsultleri tárepinen usı tórt ay ishinde 2900 huqıqıy tusdegi hujjetler kórip shıǵılǵan bolsa, sonnan 445 miynet shartnamaları hám 380 xojalıq shartnamaları korip shıǵılıp, huqıqıy juwmaq berilgen. Qońırat rayonı yuridikalıq xızmet kórsetiw orayı kóp-tarmaqlı poliklinika qarama qarsısında jaylasqan burınǵı ZAGS imaratına kóship ótti.
Qońırat rayonı yuridikalıq
xızmet kórsetiw orayı
bas yuriskonsulti: M.Seytbayeva