Янгиликлар
25
Qońırat rayonı Ádillik bólimi tárepinen 2021-jıl 12 ay dawmında Huqıqıy siyasattı ámelge asırıw, norma dóretiwshiligi hám xalıqtıń huqıqıy mádeniyatın asırıw tarawındaǵı jumısları nátiyjesi boyınsha ESABATÍ
Qońırat rayonı Ádillik bólimi tárepinen 2021-jıl 12 ay dawmında Huqıqıy siyasattı ámelge asırıw, norma dóretiwshiligi hám xalıqtıń huqıqıy mádeniyatın asırıw tarawındaǵı jumısları nátiyjesi boyınsha ESABATÍ
Búgingi kúnde mámleketimizde barlıq tarawlarda keń kólemli reformalar ámelge asırılmaqta.
Sol qatarda Ádillik organları sistemasın tártipke salıw boyınsha da bir qatar huqıqıy hújjetler qabıl etildi.
Prezidentimizdiń 2018-jıl 13-aprel kúngi 5415-sanlı Pármanı menen Ádillik ministrligi jumısların jetilistiriw tarawında reformalar ámelge asırılıp, rayon (qala) ádillik bólimlerine tómendegishe wazıypalar júkletildi: Atap aytqanda;
- hákimlerge hám mámleketlik organlarına nızamlar hámde normativ - huqıqıy hújjetlerdi qollaw máseleleri boyınsha másláhátler beriw;
- qabıl etilip atırǵan nızamlar hám normativ - huqıqıy hújjetlerdiń mazmun - mánisin «respublika-wálayat-rayon-máhálle» principi boyınsha xalıqqa jetkeriw;
- hákimler hám xalıq deputatları keńesleriniń qararların huqıqıy ekspertizadan ótkeriw;
- huqıqtı qollaw ámeliyatın úyreniw, analizlew hám usınıslardı islep shıǵıw;
- óz wákillik sheńberinde fizikalıq hám yuridikalıq shaxslardıń múrájatların kórip shıǵıw wazıypaları júkletilgen.
Birden bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, mámleketlik hám xojalıq basqarıw, jergilikli mámleketlik hákimiyatı uyımları jumıslarında huqıqtı qollaw ámeliyatın izshil hám bir túrde támiyinlew boyınsha ilajlardı ámelge asırıw ádillik uyımlarınıń tiykarǵı wazıypası esaplanadı.
Bul baǵdarda 2021-jıldıń 12 ayı dawamında Qońırat rayonı ádillik bólimi tárepinen bir qatar jumıslar ámelge asırıldı.
Atap aytqanda, bólimge jámi 267 múrájat kelip túsken bolıp, sonnan 232 múrájat qanaatlantırıldı, 19 múrájatke huqıqıy túsinikler berildi, 16 múrájat tiyisliligi boyınsha basqa organlarǵa jiberildi, múrájatlar boyınsha sudlarǵa 831 670 000 sumlıq dawa arzalar kirgizilip, puqaralardıń huqıqları tiklendi.
Bólimge kelip túsken múrájatlar analizlengende eń kóp múrájatlar miynet hám is haqı máselelerine baylanıslı ekenligi anıqlandı.
Nızamlardıń durıs orınlanıwı boyınsha 29 úyreniwler ótkerilip, 6471 nızam buzıwshılıq jaǵdayları anıqlandı.
Bolim tárepinen 32 mekeme xám kárxanalarǵa anıqlanǵan nızambuzıwshılıq boyınsha usınıslar kiritilip, solardan 12 mekeme hám kárxana basshıları hámde juwapker xızmetkerlerine hákimshilik járiyma, 9 mekeme hám kárxana xızmetkerlerine intizamiy sharalar qollanıldı hám 86 mekeme hám kárxanalarga eskertiwler berildi hámde kiritilgen usınıslarǵa tiykar 1 921 620 sum puqaralardıń miynet is haqıları tólep berildi.
Huqıqıy ekspertiza tarawında:
Ádillik ministrligi hám rayon (qala) ádillik bólimleri tárepinen Xalıq deputatları keńesi hám rayon hákiminiń 17 qarar joybarları huqıqıy ekspertizadan ótkerilip mámleketlik esapqa alındı.
Belgilengen talaplarǵa ámel etilmegenligi sebepli 3 qarar joybarın biykarlaw boyınsha hákimlikke usınıs berildi.
Huqıqıy úgit-násiyat hám aǵartıwshılıq tarawında:
Puqaralardıń huqıqıy sana hám huqıqıy mádeniyatın joqarılatıwǵa baylanıslı jumıslardıń nátiyjeliligin jáne de asırıw, puqaralardıń jámiyetlik-siyasiy ózgerisler menen sáykes túrde huqıqıy bilimlerin asırıp barıwdıń zamanagóy usılların engiziw maqsetinde 2019-jıldıń 9-yanvar kúni Ózbekstan Respublikası Prezidentiniń 5618-sanlı Pármanı qabıl etildi. Párman menen “Jámiyette huqıqıy mádeniyattı joqarılatıw Koncepciya”sı tastıyıqlandı.
2021-jıldıń 12 ayı dawamında ministrlik hám rayon (qala) ádillik bólimleri tárepinen «shaxs-shańaraq-máhálle-bilimlendiriw mákemesi-shólkem jámiyet» principi boyınsha bir qatar úgit-násiyat jumısları alıp barıldı.
Atap aytqanda, Bɵlim tárepinen 2021 jıl 12 ayı dauamında 827 huqıqıy úgit-násiyat jumısları alıp barıldı. Ǵalaba xabar qurallarında-503 márte, sonnan televidenie arqalı-25, radioda-19, gazeta hám jurnallarda-10, veb-saytlarda 449, awızeki túrde-301, jazba hám kórgizbeli formada-13 márte sonday-aq, 8 videorolik islep shıǵılıp úgit-násiyat ilájları ámelge asırıldı.
Al, búgingi kúnde bolsa, qabıl etilgen nızam hújjetlerin xalıqqa hám orınlawshılarǵa jetkeriw iskerligin jańa hám zamanagóy usıllar járdeminde ámelge asırıw kerekligin hámde bul baǵdarda Bɵlim óziniń jańa jantasıwların islep shıǵıp, ámeliyatqa engiziwdi talap etpekte.
Sonday-aq, maǵlıwmattı jetkeriw usılı sıpatında informaciyalıq texnologiyalardan keń paydalanıw jolǵa qoyılmaqta.
Internet tarmaǵında Ózbekstan Respublikasının nızam hújjetleri maǵlıwmatlarınıń milliy bazası - “Lex.UZ”dıń normativ-huqıqıy hújjetlerdiń rásmiy derekleri qatarına kirgizilgeni xalıqqa huqıqıy málimleme jetkerip beriw barısındaǵı jumıslardı elede janlandırdı.
Qońırat rayonı Ádillik bólimi baslıǵı J.Mambedullayev