Янгиликлар
24
Nızamshılıqtaǵı_jańalıqlar
“2022-2024-jıllarda Ózbekstan Respublikasınıń sociallıq hám islep shıǵarıw infrastrukturasın rawajlandırıw ilajları haqqında”ǵı Prezident qararı (PQ-98-san, 22.01.2022-j.) qabıllandı.
Qarar menen, 2022-2024-jıllarda Ózbekstannıń sociallıq hám islep shıǵarıw infrastrukturasın rawajlandırıw baǵdarlaması qabıllandı.
Baǵdarlama sheńberinde belgilengen jıllarda sociallıq hám islep shıǵarıw infrastrukturasın rawajlandırıw ushın jámi 76 881,0 mlrd sum ajıratıladı.
Soǵan kóre, usı jıllarda atap aytqanda tómendegi sociallıq hám islep shıǵarıw obektlerin iske túsiriw názerde tutılǵan:
● 54 230 oqıw ornı hám 8 358 jataq ornına iye joqarı oqıw orınları;
● 259 101 oqıw ornına iye, 248 sportzaldan ibarat ulıwma bilimlendiriw, dóretiwshilik hám qánigelestirilgen mektepler;
● 88 310 orınǵa iye mektepke shekemgi bilimlendiriw shólkemleri;
● 24 213 orınǵa iye den-sawlıqtı saqlaw mákemeleri.
Qarar menen Sociallıq hám islep shıǵarıw infrastrukturasın rawajlandırıw boyınsha Respublika komissiyası dúzildi.
Respublika komissiyası Baǵdarlamada qatnasıp atırǵan ministrlik, keńse, xojalıq birlespeleri hám jergilikli hákimlikler jumısların muwapıqlastırıp baradı.
Baǵdarlamalar sheńberinde rejelestirilgen qarjılardı ishki derekler esabınan tartılǵan qarız qarjıları, shet el kreditleri hám olar boyınsha esaplanǵan procent tólemlerin qaplawǵa, sonıń menen birge, obektler qurıw ushın kreditler ajıratıwǵa baǵdarlaw qadaǵan etiledi.
Qararǵa kóre, 2022-jıldan :
eki jıl múddetke ministrlikler, keńseler hám jergilikli hákimliklerdiń hákimshilik imaratların qurıw hám rekonstruksiya qılıw boyınsha jańadan baslanatuǵın joybarlardı (Prezident qararlarına muwapıq ámelge asırılatuǵın, sonıń menen birge, jańadan shólkemlestiriletuǵın qala hám rayonlarda jaylasatuǵın joybarlar bunnan tısqarı) Ózbekstannıń sociallıq hám islep shıǵarıw infrastrukturasın rawajlandırıw baǵdarlamalarına kirgiziw qadaǵan etiledi;
kelesi jıllar ushın sociallıq hám islep shıǵarıw infrastrukturasın rawajlandırıw baǵdarlamaların qáliplestiriw processlerinde keyingi jıllarǵa ótetuǵın joybarlar (obektler) sanı basqıshpa-basqısh qısqartırıladı hám olardı tiyisli finanslıq jılda paydalanıwǵa tapsırıw názerde tutıladı.
2022-jılda juwmaqlanatuǵın oqıw orınları obektleri –
15-avgustqa shekem, den-sawlıqtı saqlaw hám medicinalıq-sociallıq mákemeler obektleri – 1-oktyabrge shekem, irrigasiya hám melioratsiya sistemaları obektleri – 1-dekabrge shekem paydalanıwǵa tapsırıladı.