Янгиликлар
21
Bilesizbe
Ipoteka kreditleri boyınsha subsidiya alıw ushın shaxslar arza menen qálegen rayon (qala) Mámleketlik xızmetler orayına ózi kelip múrájat etedi yamasa Birden-bir interaktiv mámleketlik xızmetler portalında dizimnen ótedi (https://lex.uz/docs/4774086).
Anketa-arza elektron tárizde toltırıladı hám oǵan tómendegiler elektron tárizde qosımshalar usınıs etiledi yamasa maǵlıwmatlar beriledi:
●fizikalıq shaxstıń jeke identifikaciya nomeri maǵlıwmatları;
●shańaraq aǵzalarınıń (fizikalıq shaxstıń) jeke identifikaciya nomeri maǵlıwmatları hám neke gúwalıǵı (tolıq shańaraq hámde neke hámde erjetken perzentler bolǵan jaǵdayda) hám (yamasa) perzentler tuwılǵanlıǵı haqqındaǵı gúwalıqlar (jas óspirim perzentler bar bolǵan jaǵdayda) nusqaları;
●belgilengen tártipte neke biykar etilgenligi haqqındaǵı gúwalıq yamasa neke haqıyqıy emes dep tán alınǵanlıǵı haqqındaǵı sud qararı (neke dizimge alınǵan jaǵdayda) yamasa shańaraqlıq jaǵdayı haqqında PHAJ arxivinen maǵlıwmatnama nusqası (neke dizimge alınbaǵan jaǵdayda);
●turaqlı jasaw ornı boyınsha dizimge alınǵan jerinen kadastr nomeri hám túrine tiyisli maǵlıwmatlar (eger turaq jayı turaqlı jasaw ornı boyınsha dizimge alınǵan jeri menen sáykes kelse);
●turaqlı jasaw ornı boyınsha dizimge alınǵan jerinen úy dápteriniń yamasa kvartiralar boyınsha kartochkanıń nusqası (eger turaq jayı turaqlı jasaw ornı boyınsha dizimge alınǵan jeri menen sáykes kelse);
●arza beriwshi hám birgelikte qarız alıwshılardıń dáramatı hám uslap qalınǵan dáramat salıqları haqqındaǵı maǵlıwmatnama (qosımsha dáramatlar bolsa salıq deklaraciyası).
Joqarıdaǵılardan tısqarı maǵlıwmat hám hújjetlerdi talap etiw qatań qadaǵan etiledi.
Sonday-aq, subsidiya alıw ushın múrájat etken arza beriwshiden “Sociallıq qorǵaw birden-bir reestri” MS arqalı alıw múmkin bolǵan hújjetlerdi (maǵlıwmatlardı) talap etiw qadaǵan etiledi.
Bunnan tısqarı, miynet migrantları atınan ipoteka kreditleri boyınsha subsidiya alıw haqqındaǵı arzanı onıń shańaraq aǵzaları beriwi múmkin.
Xızmetler arza beriwshilerge biypul ámelge asırıladı.