Янгиликлар
18
Nızamshılıqtaǵı_jańalıqlar
“Turizm, mádeniyat, mádeniy miyras hám sport tarawların jánede rawajlandırıw ushın qosımsha sharayatlar jaratıw haqqında”ǵı Prezident Pármanı (PP–52-san, 15.01.2022-j.) qabıl etildi.
Pármanǵa muwapıq, 2023-jıl 1-yanvarǵa shekem turizm subektleri hám aviatasıwshılardıń sırt elden Ózbekstanǵa charter reysleri ushın qárejetlerdiń bir bólegi hár bir sırt elli turist ushın (keminde 5 tún qonǵanda) 10 AQSh dolları, qısta (20-noyabrden 20-fevralǵa shekem) bolsa 25 AQSh dolları muǵdarında Mámleketlik byudjetten qaplap beriledi.
2022-jıl 1-maydan jaslardıń isbilermenligin qollap-quwatlaw maqsetinde hár bir baslamaǵa 50 mln sum muǵdarında, jámi 10 mlrd sumǵa shekem grantlar ajıratıladı.
Bunda grant qarjıları:
•onlayn tólemlerdi qabıl qılıwshı veb-sayt jaratıwǵa, sırt eldegi turizm kórgizbe hám yarmarkalarında qatnasıwǵa baǵdarlanadı;
•grant qarjıları sırt elden Ózbekstanǵa 3 jıl keminde 200 turistler ushın tur shólkemlestiriw shárti menen ajıratıladı.
Turizm hám sporttı qollap-quwatlaw qorına turistlik (miymanxana) jıyımın esaplaw hám tólew 2021-jıl 1-sentyabrden toqtatılǵan.
Sol sebepli 2022-jıl 1-fevraldan 2023-jıl 1-yanvarǵa shekem Qor hár ayda 2,5 mlrd sum muǵdarında qosımsha qarjılar Mámleketlik byudjetten ajıratıladı.
Usı qarjılar aymaqlardaǵı perspektivalı turizm obekti hám orınların turistler keliwi ushın tayarlaw hám olardı úgit-násiyatlaw sıyaqlı maqsetler ushın jumsaladı.
Párman menen sonday-aq, qádemler ushın pul tólew tártibine ózgerisler kirgizildi. Oǵan muwapıq, endigiden bılay 1 sutkada 10 mıń hám onnan kóp qádem júrgen 18 jas hám onnan úlken puqaralar ortasında utıslı oyınlar ótkeriledi.
Hár ay juwmaǵında bolsa utıslı kuponlar ortasında qımbat bahalı utıslı oyınlar ótkeriledi. Aldın joqarıdaǵı talaplarǵa sáykes puqaralarǵa kúnlik 3 mıń sumnan tólengen.