Янгиликлар
12
Nızamshılıqtaǵı_jańalıqlar
“Ózbekstan Respublikası Hákimshilik juwapkershilik haqqındaǵı kodeksiniń 245 hám 245-8-statyalarına ózgerisler kirgiziw haqqında”ǵı Nızam (744-sanlı Nızam, 11.01.2022-j.) Prezident tárepinen imzalandı.
Kirgizilgen ózgerislerge tiykar, tómendegi huqıqbuzarlıqlarǵa baylanıslı isler Biznes-ombudsman tárepinen kórip shıǵıladı:
•Fizikalıq hám yuridikalıq shaxslardıń múrájatları haqqındaǵı nızamshılıqtı buzıw (isbilermenler múrájatları bóliminde) (43-statya);
•jer uchastkasın nızamsız alıp qoyıw (isbilermenlik subektleriniń huqıqları buzılıwı bóliminde) (200-2-statya);
•jeke múlk huqıqın buzıw (241-1-statya);
•isbilermenler jumısların tekseriw hám finans-xojalıq jumısın tekseriw tártibin buzıw (241-2-statya);
•isbilermenler jumısların hám (yamasa) olardıń bank operaciyaların nızamǵa qayshı túrde toqtatıp turıw (241-3-statya);
•isbilermenlerdi qáwenderlikke hám basqa ilajlarǵa májbúriy tartıw (241-4-statya);
•jeńillikler hám preferenciyalardı qollawdan nızamsız bas tartıw, qollamaw yamasa qollawǵa tosqınlıq etiw (241-6-statya);
•isbilermenler esapbetlerinde pulları bar ekenligi haqqında málimlemeni nızamǵa qayshı túrde talap etip alıw (241-8-statya);
•isbilermenlerden nızamshılıqtı buzǵan halda hújjetler talap etip alıw (241-10-statya).
Usı Nızam qabıl etilgenge shekem usı huqıqbuzarlıqlar jınayat isleri boyınsha sudlar tárepinen kórip shıǵılǵan.
Wákil atınan hákimshilik huqıqbuzarlıqlarǵa baylanıslı jumıslardı kórip shıǵıwǵa hámde járiyma qollawǵa onıń orınbasarları hám Wákil apparatı bas inspektorları haqlı.
Usı Nızam rásmiy járiyalanǵan kúnnen baslap kúshke kiredi.