Янгиликлар
08
Nızamshılıqtaǵı_jańalıqlar
«Ónermentshilik jumısın qollap-quwatlaw sistemasın jánede jetilistiriw ilajları haqqında»ǵı Prezident qararı (PQ–77-sanlı, 30.12.2021-jıl) qabıl etildi.
Qararǵa tiykar:
➖2022-jılı shańaraqlıq isbilermenlikti rawajlandırıw baǵdarlamaları sheńberinde ajıratılıp atırǵan qarjılardıń 500 milliard sumı ónermentshilik joybarların qarjılandırıwǵa baǵdarlanadı;
➖ jeńilletilgen kreditler ónermentshilik joybarların ámelge asırıw ushın 6 ayǵa shekem jeńilletilgen dáwir menen 225 million sumǵa shekem shańaraqlıq isbilermenlikii rawajlandırıw baǵdarlamaları sheńberinde názerde tutılǵan shártlerde ajıratıladı;
➖ jeńilletilgen kreditler ónermenttiń talabı boyınsha naq pul alıw imkaniyatı menen usınıladı;
➖jeńilletilgen kredit ajıratıw boyınsha «oilakredit.uz» elektron platformasında ónermentlerdi onlayn náwbetke alıw hám olardıń joybarların kreditlew ushın ayrıqsha bólim iske túsiriledi.
2022-jıldan baslap:
«Ustaz-shákirt» dástúri tiykarında jaslarǵa óner úyretip atırǵan ónermentlerge – shákirtler tayarlawı, zárúr shiyki zat satıp alıwı hám shákirtlerdi is haqı menen támiyinlewi ushın 6 ay dawamında hár ayda BEMnıń 2 esesinen az bolmaǵan muǵdarda;
shákirtlerge – ǵárezsiz jumısın baslawı ushın zárúr ásbap-úskene hám buyımlardı satıp alıwı, sonday-aq, ustalarǵa – internet saytların shólkemlestiriw, ónimlerdi jáhán elektron sawda maydanshalarına shıǵarıw hám reklama ǵárejetleriniń 50 procenti, biraq BEMnıń 25 esesi muǵdarınan kóp bolmaǵan bólegine subsidiyalar ajıratıw tártibi engiziledi.
Bunda, subsidiya ajıratılǵan ónermentler hám shákirtler esabı «Ónerment» awqamı tárepinen júrgizilip, Máhállebay islew hám isbilermenlikti rawajlandırıw agentliginiń «Onlayn máhálle» elektron platforması menen integraciya etiledi.
Sonday-aq, 2022-jıldan «Ónerment» awqamı aǵzaları ushın jumıs islew ornına qaramastan, kommunal infrastruktura xızmetleri haqısın tólew xalıq ushın belgilengen tarifler boyınsha hám shártler tiykarında ámelge asırıladı.