Янгиликлар
07
Nızamshılıqtaǵı_jańalıqlar
Húkimet qararı (05.01.2022-jıl, 5-sanlı) menen Puqaralardıń shet elge shıǵıw biometriyalıq pasportın alıw ushın Birden-bir interaktiv mámleketlik xızmetler portalı arqalı arza jiberiw boyınsha mámleketlik xızmetler kórsetiwdiń hákimshilik reglamenti tastıyıqlandı.
Hákimshilik reglamentke tiykar, shet elge shıǵıw biometriyalıq pasportın alıw ushın puqaralar arzanı óz qálewine kóre tómendegilerden birine beriwi múmkin:
• Ishki isler ministrliginiń migraciya hám puqaralıqtı rásmiylestiriw bólimine kelgen halda;
• Mámleketlik xızmetler oraylarına kelgen halda;
• Birden-bir interaktiv mámleketlik xızmetler portalı arqalı.
Arza beriwde sorawnama toltırıladı, sorawnamada qáte maǵlıwmatlar kórsetilgende yamasa hújjetler tolıq bolmaǵanda, kemshiliklerdi saplastırıw ushın arza beriwshige 5 jumıs kúni beriledi, qáteler saplastırılmasa sorawnama biykar etiledi.
Puqaralar shet elge shıǵıw biometriyalıq pasportın alıw ushın 3 jumıs kúninde mámleketlik bajını tóleydi.
Arza beriwshi arzası qabıl etilgeni hám fotosúwretke túsiw hámde qol barmaq elektron izlerin alıw ushın keliw kúni haqqında 1 jumıs kúninde xabardar etiledi.
Shet elge shıǵıw biometriyalıq pasportı 10 jumıs kúninde beriledi.