Янгиликлар
20
Sociallıq-ekonomikalıq tarawda huqıqtı qollanıw ámeliyatın úyreniw bólimi tárepinen 2021-jıl dawamında ámelge asırılǵan jumıslar boyınsha esabat
Sociallıq-ekonomikalıq tarawda huqıqtı qollanıw ámeliyatın úyreniw bólimi tárepinen 2021-jıl dawamında ámelge asırılǵan jumıslar boyınsha esabat
Sociallıq-ekonomikalıq tarawda huqıqtı qollanıw ámeliyatın úyreniw taraw boyınsha jıl dawamında fizikalıq hám yuridikalıq shaxslardan kelip túsken 252 arza hám shaǵımlardıń 95 qanaatlandırıldı, 123 arza hám shaǵımlarǵa huqıqıy túsinik berildi.
Huqıqtı qollanıw tarawında 36 mámleketlik shѳlkemlerinde úyreniwler ѳtkerilip, 918 den artıq nızambuzıwshılıq jaǵdayları anıqlanıp, olardı saplastırıw ushın usınıslar kiritildi, 22 shaxs intizámiy hámde 13 shaxs hákimshilik juwapkershilikke tartıldı.
Sudlarga 86 mln. sumlıq 22 dana dawa arza kiritilip, nátiyjede puqaralarǵa 66 mln.sumnan artıq pulları ѳndirilib berildi.
Múrájatlardıń kórip shıǵıwda anıqlanǵan nızambuzıwshılıqlardı saplastırıw ushın kiritilgen 35 usınıs nátiyjesinde 69 nızamǵa qayshı hújjetler toqtatılıwı támiyinlendi.
Atap aytqanda, “MAXMUD TRANS NUKUS” JShJi baslıǵı M.Bekturdievtiń múrájatı boyınsha Qaraqalpaqstan Respublikası Ishki isler ministrligi Jol háreketi qáwipsizligi basqarması tárepinen nızamsız túrde qollanılǵan jariymalarǵa narazı bolıp jazǵan arzası boyınsha ѳtkerilgen úyreniw nátiyjesinde kiritilgen usınıs juwmaǵı boyınsha jámiyetke qarata qollanılǵan 68 dana hákimshilik bayannamalardıń orınlanıwı toqtatıldı.
Bunnan basqa, bólim tárepinen nızamshılıqtı jetilistiriw boyınsha 80 usınıs (taklif) berildi.
Ministrlik hám rayon(qala) ádillik bѳlimleri tárepinen Ministrler Kabinetiniń 2019-jıl 20-dekabrdegi “Isbilermenlik hám qalasazlıq iskerligin ámelge asırıw ushın bos turǵan jer uchastkaların beriw tártip-principlerin jánede jetilistiriw is-ilájları haqqında”ǵı 1023-sanlı qararı orınlanıwı boyınsha turaqlı túrde monitoringler alıp barılmaqta.
Nátiyjede Respublika boyınsha 6 mıń 369 jer uchastkası “YERELEKTRON” avtomatlastırılǵan málimleme sistemasına kiritiliwi támiyinlenip, usı jer uchastkalardıń 3616 danası aukcion sawdalarına qoyıldı.
Sonday-aq Ádillik ministrligi hám rayon(qala) ádillik bѳlimleriniń aralasıwı menen 91 dana jer uchastkası aukcionǵa shıǵarılıp, usı tarawda anıqlanǵan nızambuzıwshılıqlardı saplastırıw ushın jámi 49 usınıs kiritildi, 58 lawazımlı shaxslar nızambuzıwshılıqqa jol qoymaw haqqında eskertildi hámde Mámleketlik xızmetleri agentligi Qaraqalpaqstan Respublikası basqarmasına 31 shaxsga hákimshilik juwapkershilikke tartıw ushın usınıslar kiritildi, nátiyjede 10 shaxs intizámiy hám 30 shaxs hákimshilik juwapkershilikke tartıldı.
Sonıń menen birge, úgit násiyat tarawında bir qansha jumıslar ámelge asırıldı.
Atap aytqanda 12 márte televidenie, 9 márte radio, 3 márte gazeta hám jurnalallarda, 10 márte veb-saytlarda bólim tárepinen islengen jumıslar hám nızamshılıqtaǵı jańalıqlardı jarıtıw boyınsha shıǵıwlar qılınıp 22 den artıq awızeke úgit násiyat jumısları ámelge asırıldı.
K.Reymnazarov,
Social-ekonomikalıq tarawda huqıqtı
qollaw ámeliyatın úyreniw bólimi baslıǵı