Янгиликлар
24
MOYNAQ RAYONÍ YURIDIKALÍQ XÍZMET KÓRSETIW ORAYÍ TÁREPINEN 2021-JÍLDA ISLENGEN JUMÍSLAR
MOYNAQ RAYONÍ YURIDIKALÍQ XÍZMET KÓRSETIW ORAYÍ TÁREPINEN 2021-JÍLDA ISLENGEN JUMÍSLAR
Ózbekstan Respublikası Prezidentiniń 2021-jıl 29-iyun kúngi «Mámleketlik uyımları hám shólkemlerine yuridikalıq xızmet kórsetiw iskerligin jánede jetilistiriw is-ilajları haqqında»ǵı PQ-5168-sanlı qararı talaplarına muwapıq, Qaraqalpaqstan Respublikası ádillik ministrligi janında Moynaq rayonı Yuridikalıq xızmet kórsetiw orayı shólkemlestirilip, 2021-jıl 4-oktyabr kúninen baslap jumıs basladı.
Moynaq rayonı Yuridikalıq xızmet kórsetiw orayına 3 shtat birlikleri (Oray baslıǵı, 2 bas yuriskonsult) ajıratılǵan.
Oray tárepinen Ózbekstan Respublikası Prezidentiniń 2021-jıl 29-iyun kúngi «Mámleketlik uyımları hám shólkemlerine yuridikalıq xızmet kórsetiw jumısların jánede jetilistiriw ilajları haqqında»ǵı PQ-5168-sanlı qararı menen tastıyıqlanǵan «Yuridikalıq xızmet kórsetiw orayları haqqında»ǵı Rejege muwapıq, búgingi kúnde Moynaq rayonındaǵı 12 mámleketlik uyım hám shólkemlerge
«E-huquqshunos» elektron sisteması arqalı hám tuwrıdan-tuwrı yuridikalıq xızmetler kórsetip kelinbekte.
Statistik esabatlarda 2021-jıl oktyabr-dekabr aylarında jámi 1033 buyrıq, shártnamalar (781 buyrıq, 252 shártnama) kelip túsip, sonnan 67 buyrıq nızamǵa muwapıq kelmegenligi ushın qaytarılǵan, 714 buyrıq hám 252 puqaralıq hám miynet shártnamalar nızamǵa muwapıq dep tabılǵan, 3 buyrıq qabıl etiw ushın biykar etildi.
Búgingi kúnde Moynaq rayonında 76 bala ámengerlik
hám qáwenderlikke berilgen.
Oray tárepinen 2021-jıl oktyabr – dekabr ayları dawamında 1 ámengerge huqıqıy túsinik beriliwi támiynlendi.
Bunnan tısqarı, Qaraqalpaqstan Respublikası Ádillik ministrligi hám Oray tárepinen belgilengen reje tiykarında yuridikalıq xızmet kórsetiliwi lazım bolǵan mámleketlik uyım hám shólkemlerge barıw arqalı taraw boyınsha nızam hújjetleri, sonday-aq miynet nızamshılıǵı, shártnamalıq-huqıqıy baza hám basqada zárúr normativ-huqıqıy hújjetlerdiń mazmun-mánisin túsindiriw jumısları alıp barıldı. Oray tárepinen rayondaǵı yuridikalıq xızmet kórsetilip atırǵan mámleketlik uyım hám shólkemlerdiń xızmetkerleri ortasında taraw boyınsha normativ-huqıqıy hújjetlerdiń mazmun-mánisi, sonday-aq nızamshılıqqa kiritilip atırǵan ózgeris hám qosımshalar júzesinen
23 márte ushırasıw hám túsinik jumısları alıp barıldı.
Oray tárepinen orınlarda ushırasıwlar ótkeriw menen bir qatarda, alıp barılıp atırǵan jumısları ǵalaba xabar qurallarındada járiyalanıp kelindi.
Atap ótkende, Oray tárepinen 2 márte radio esittiriwde, 2 márte «Qaraqalpaqstan telekanalı»nda kórsetiwler tayarlanıp, 2 márte «Aral Balıqshısı» gazetalarına maqalalar járiyalandı.
Búgingi kúnde, yuridikalıq xızmet kórsetiliwi lazım bolǵan mámleketlik uyım hám shólkemler, sonday-aq olardıń quramındaǵı (mektepke shekemgi bilimlendiriw shólkemi, ulıwma orta bilim beriw mektepleri, poliklinika, shańaraqlıq shıpakerlik punktleri) shólkemlerdiń xızmetkerlerine xızmetlik máseleler boyınsha yuridikalıq másláhátler berilmekte.
Oray tárepinen Ózbekstan Respublikası Prezidentiniń 2021-jıl 29-iyun kúngi «Mámleketlik uyımları hám shólkemlerine yuridikalıq xızmet kórsetiw iskerligin jánede jetilistiriw is-ilajları haqqında»ǵı PQ-5168-sanlı qararı talaplarına muwapıq, yuridikalıq xızmet kórsetiliwi lazım bolǵan mámleketlik uyımlar hám shólkemlerge sıpatlı hám nátiyjeli yuridikalıq xızmet kórsetiliwi, olardıń huqıq hám máplerin nızamlı qorǵaw tarawında áhmiyetli jumıslar ámelge asırılıwı támiyinlenedi.
Moynaq rayonı Yuridikalıq
xızmet kórsetiw orayı baslıǵı M.Koluzanov