Янгиликлар
05
Nókis qalasi Yuridikalíq xízmet kórsetiw orayí tárepinen 2021-jílda ámelge asirilǵan jumislar
Ózbekstan Respublikası Prezidentiniń 2021-jıl 29-iyun kúngi «Mámleketlik uyımları hám shólkemlerine yuridikalıq xızmet kórsetiw iskerligin jánede jetilistiriw is-ilajları haqqında»ǵı PQ-5168-sanlı qararı talaplarına muwapıq, Qaraqalpaqstan Respublikası ádillik ministrligi janında Nókis qalasi Yuridikalıq xızmet kórsetiw orayı shólkemlestirilip, 2021-jıl 4-oktyabr kúninen baslap jumıs basladı. Oray tárepinen Ózbekstan Respublikası Prezidentiniń 2021-jıl 29-iyun kúngi «Mámleketlik uyımları hám shólkemlerine yuridikalıq xızmet kórsetiw iskerligin jánede jetilistiriw is-ilajları haqqında»ǵı PQ-5168-sanlı qararı menen tastıyıqlanǵan «Yuridikalıq xızmet kórsetiw orayları haqqında»ǵı Rejege muwapıq, búgingi kúnde Nókis qalasindaǵı 11 mámleketlik uyım hám shólkemlerge «E-huquqshunos» elektron sisteması arqalı hám tuwrıdan-tuwrı yuridikalıq xızmetler kórsetip kelinbekte.
Oray tárepinen usı shólkemlerge sapalı yuridikalıq xızmet kórsetiw ushın hár bir shólkemge juwapker xızmetkerler biriktirildi. Statistik esabatlarǵa názer awdaratuǵın bolsaq, 2021-jıl oktyabr-dekabr aylarında jámi 1 620 hújjetler kelip túsip, sonnan 996 buyrıqlar, 618 shártnamalar (414 xojalıq shártnamaları, 204 miynet shártnamaları) hámde 6 dawa-talapnama (84,1 mln.swmlıq 1 apellyaciyalıq arza, 50.8 mln.swmlıq 5 talapnamalar)nı quraydı.
Oray tárepinen usı kelip túsken hújjetlerden, 1 515 ne unamlı juwmaq berilgen bolsa, 67 ne nızamshılıqqa qayshı kelgenligi sebepli unamsız juwmaq berildi, 38 hújjetler bolsa nızamshılıq texnikasına tuwrı kelmeytuǵınlıǵı sebepli, qáte-kemshiliklerin saplastırıw ushın shólkemlerge qaytarıldı.
Sonday-aq, Oray xızmetkerleri tárepinen ótken úsh ay dawamında nızamshılıqtaǵı jańalıq hǝm ózgerisler, sonday-aq ámeldegi nızam hújjetlerin tuwrı qollanıw boyınsha 109 úgit-násiyat isleri ótkizilip, sonnan 94 awız-eki, 11 ǵalaba-xabar quralları hámde 4 zamanagóy informacion-kommunikaciya texnologiyaları arqalı jetkiziwde qatnastı.
Bunnan tısqarı, Nókis qalalıq ádillik bólimi menen birgelikte Nókis qalalıq medicina birlespesiniń Kóp tarmaqlı poliklinikası lor shıpakeri B.Pazılovanıń óz huqıqların tiklewdi sorap jazǵan múrájááti unamlı sheshilip, Nókis qalalıq medicina birlespesiniń 2021-jıl 16-sentyabr' kúngi 175/10-K sanlı buyrıǵınıń B.Pazılovanı tolıq 1 stavka lor shıpakeri lawazımınan májbúriy ráwishte 0,25 stavka lor shıpakeri etip ótkerilgenligi haqqındaǵı tárepi biykar etildi.
Búgingi kúnde, yuridikalıq xızmet kórsetiliwi lazım bolǵan mámleketlik uyım hám shólkemler, sonday-aq olardıń quramındaǵı (mektepke shekemgi bilimlendiriw shólkemi, ulıwma orta bilim beriw mektepleri, shańaraqlıq poliklinikalar) shólkemlerdiń xızmetkerlerine xızmetlik máseleler boyınsha yuridikalıq másláhátler berilmekte. Oray tárepinen Ózbekstan Respublikası Prezidentiniń 2021-jıl 29-iyun kúngi «Mámleketlik uyımları hám shólkemlerine yuridikalıq xızmet kórsetiw iskerligin jánede jetilistiriw is-ilajları haqqında»ǵı PQ-5168-sanlı qararı talaplarına muwapıq, yuridikalıq xızmet kórsetiliwi lazım bolǵan mámleketlik uyımlar hám shólkemlerge sıpatlı hám nátiyjeli yuridikalıq xızmet kórsetiliwi, olardıń huqıq hám máplerin nızamlı qorǵaw tarawında áhmiyetli jumıslar ámelge asırılıwı támiyinlenedi.
Nókis qalasi Yuridikalıq
xızmet kórsetiw orayı baslıǵı T.Utemiratov